Rhaglen Adnewyddu'r Economi: dywedwch fwy wrthym

Mae’r dirwasgiad byd-eang wedi creu newidiadau pellgyrhaeddol a sylfaenol yn yr amgylchedd ariannol ac economaidd ac wedi atgyfnerthu a dwysau llawer o’r heriau hirdymor sydd eisoes yn bodoli.  

Ein nod, trwy’r Rhaglen Adnewyddu’r Economi, fydd gosod Cymru mewn gwell sefyllfa i wynebu’r heriau hirdymor hynny.

Materion allweddol yn yr ymgynghoriad hwn

• Dadansoddiad o economi Cymru ar hyn o bryd
• Gweledigaeth ar gyfer economi Cymru yn y dyfodol
• Swyddogaeth y Llywodraeth yn economi Cymru
• Cymorth uniongyrchol i fusnesau
• Creu’r amodau iawn ar gyfer busnesau
• Denu busnesau i Gymru
• Nodweddion rhanbarthol unigryw

Ymatebion i'r ymgynghoriad

Mae'r ymgynghoriad 'Dywedwch Fwy Wrthym', a gynhaliwyd o fis Chwefror tan fis Mai 2010, wedi helpu i ddatblygu'r ddogfen 'Adnewyddu'r Economi: cyfeiriad newydd'.

Ers i bolisi Adnewyddu'r Economi gael ei lansio ym mis Gorffennaf, mae'r gwaith wedi mynd yn ei flaen yn gyflym i'w weithredu ac erbyn hyn rydym yn cyhoeddi'r ymatebion unigol a dderbyniwyd i'r ymgynghoriad. Mae hyn yn atodol i'r crynodeb o'r ymgynghoriad a gyhoeddwyd yn gynharach yn y flwyddyn.