Dysgu i blant a phobl ifanc mewn dalfeydd pobl ifanc yng Nghymru - canllawiau statudol

Prif bwrpas y darpariaethau hyn yn y Ddeddf yw adlewyrchu cyn belled ag y bo hynny’n rhesymol ymarferol, y ddarpariaeth addysgu ar gyfer plant a phobl ifanc yn y gymuned mewn ysgolion prif ffrwd.

Rydym yn awyddus i gael eich barn am y canllawiau hyn oherwydd mae’n anorfod fod cefnogi addysg grŵp o blant a phobl ifanc o:

• oedran gwahanol,
• anghenion amrywiol, ac
• o fewn cyfyngiadau amgylchedd dalfa,

yn heriol iawn. Rydym yn cydnabod hyn.  Rydym am sicrhau fod dysgu yn y ddalfa mor debyg â phosibl i ddysgu yn y sector prif ffrwd, ac ar yr un pryd teilwra’r addysg i fodloni anghenion y grŵp penodol hwn o blant a phobl ifanc.