Ymgynghoriad ynghylch Cyfarwyddeb Fframwaith y Strategaeth Forol: Asesiad Cychwynnol ac argymhellion y DU ar gyfer Statws Amgylcheddol Da

Mae hwn yn ymgynghoriad ar y cyd rhwng:

• Adran yr Amgylchedd, Bwyd a Materion Gwledig (Defra);
• Gweithrediaeth Gogledd Iwerddon;
• Llywodraeth yr Alban; a
• Llywodraeth Cymru.

Mae’r Gyfarwyddeb yn ei gwneud yn ofynnol i Aelod-wladwriaethau gymryd camau i ennill neu gynnal Statws Amgylcheddol Da ar gyfer eu moroedd erbyn 2020. Mae hyn yn golygu:

• amddiffyn yr amgylchedd morol;
• atal unrhyw ddirywiad;
• ei adfer lle bo’n ymarferol; a
• defnyddio adnoddau morol mewn ffordd gynaliadwy.  

Rydym am glywed eich barn ynghylch:

• y camau cyntaf sy’n cael eu rhoi ar waith;
• asesiad drafft o gyflwr moroedd y DU;
• argymhellion ar gyfer nodweddion Statws Amgylcheddol Da’r DU;
• argymhellion ar gyfer targedau a dangosyddion Statws Amgylcheddol Da’r DU; ac
• asesiad effaith yn nodi goblygiadau posibl y targedau a dangosyddion Statws Amgylcheddol Da sy’n cael eu cynnig.  

Byddwn yn ymgynghori’n hwyrach ynghylch argymhellion ar gyfer rhaglenni monitro a mesurau cyflawni Statws Amgylcheddol Da’r DU.