Dringo’n Uwch: Creu Cymru Egnïol

Mae’r cynllun arfaethedig, Dringo’n Uwch: Creu Cymru Egnïol: Cynllun Gweithredu Strategol, yn canolbwyntio ar sicrhau ein bod ni, bob un ohonynt, yn ymgymryd â gweithgarwch corfforol fel rhan o’n harferion dyddiol. Mae’r cynllun hwn yn rhan o Ein Dyfodol Iach, dull strategol Llywodraeth Cynulliad Cymru o fynd ati i wella ansawdd a hyd bywyd.

Mae ‘Creu Cymru Egnïol’ yn cydnabod pa mor bwysig yw amgylchedd adeiledig sy’n cefnogi pobl i fod yn egnïol, a pha mor bwysig yw cael mynediad i fannau gwyrdd.

Mae’r cynllun hefyd yn cydnabod bod angen rhoi cefnogaeth i bobl ymgymryd â mwy o weithgarwch corfforol drwy raglenni wedi’u targedu sy’n annog pobl i newid eu hymddygiad.

Bydd pwyslais arbennig yn cael ei roi ar:

• Gynyddu gweithgarwch corfforol ymhlith y boblogaeth segur
• Cefnogi plant i ymgymryd â gweithgarwch corfforol gydol eu hoes
• Targedu'r rheini sy’n llacio o ran eu lefelau gweithgarwch corfforol, ee merched yn eu harddegau.

Mae gan y cynllun gweithredu bedair thema strategol:

• Amgylchedd egnïol
• Plant a phobl ifanc egnïol 
• Oedolion egnïol 
• Chwaraeon i bawb

Yn ogystal â hynny, mae camau gweithredu wedi cael eu datblygu i gynnal y themâu gwaelodol, sef:

• Arweiniad Cenedlaethol
• Cyflenwad Lleol
• Cyfathrebu
• Datblygu’r Gweithlu
• Ymestyn Partneriaethau
• Datblygu’r Sylfaen Dystiolaeth.