Protocol gyda Gwasanaethau Gwybodaeth Plant yng Nghymru
Mae’r protocol hwn yn amlinellu’r trefniadau gweithio rhwng Arolygiaeth Gofal a Gwasanaethau Cymdeithasol Cymru a Gwasanaethau Gwybodaeth i Deuluoedd.
AGGCC sy'n gyfrifol yn statudol am sicrhau bod gwarchodwyr plant a darparwyr gofal dydd i blant ifanc yn addas, a'u bod yn parhau i gydymffurfio â'r rheoliadau a'r safonau. Mae gan AGGCC ystod o bwerau er mwyn cyflawni'r cyfrifoldebau rheoleiddiol hyn. Caiff AGGCC:
- ganiatáu, gwrthod, atal neu ddileu cofrestriad,
- gosod, diddymu neu amrywio amodau cofrestriad,
- caniatáu neu wrthod ceisiadau am amrywiadau, ac
- erlyn darparwyr am droseddau penodol dan y Ddeddf a'r Rheoliadau.
