Cynllun Cymeradwyo Gwirfoddol

Gofal Plant yn y Cartref: Cymeradwyo Gwirfoddol

Does dim rhaid i nani fod yn gymeradwy i ofalu am blentyn yn gartref ei rieni, ond mae nifer o fanteision i rieni ac i’r sawl sy’n eu cyflogi os ydyn nhw wedi’u cymeradwyo.

Ers 1 Ebrill 2011, Arolygiaeth Gofal a Gwasanaethau Cymdeithasol Cymru (AGGCC) yw’r corff cymeradwyo ar gyfer y cynllun.

Cost ymgeisio ar gyfer y cynllun yw £99 yn y flwyddyn gyntaf, gyda ffi ychwanegol o £5 am brosesu archwiliad manwl gan y Gwasanaeth Datgelu a Gwahardd yn Swyddfa’r Post. Rhaid talu’r ffi hon i Swyddfa’r Post ac nid i AGGCC.

Gan fod archwiliad y Gwasanaeth Datgelu a Gwahardd yn ddilys am 3 blynedd, £55 yw’r ffi adnewyddu yn yr ail a’r drydedd flwyddyn.

Nid oes modd ad-dalu’r ffioedd a dalwyd ar ôl i gais gael ei gyflwyno.

Manteision i Rieni

Wrth ddefnyddio nani a gymeradwywyd o dan y cynllun, mae gennych well sicrwydd bod y sawl rydych yn ei gyflogi yn bodloni’r gofynion lleiaf, gan gynnwys archwiliad manwl gan y Gwasanaeth Datgelu a Gwahardd. Mae’r cynllun hefyd yn cadarnhau bod gan y nani dystysgrif cymorth cyntaf ddiweddar a chymhwyster addas mewn gofal plant.

Wrth ddefnyddio nani sy’n gymeradwy, gallech hefyd fod yn gymwys i dderbyn Credyd Treth Gwaith neu help ariannol arall, e.e. gofal plant â chymorth cyflogwr.

I gael mwy o wybodaeth am bwy sy’n gymwys i dderbyn Credyd Treth Gwaith, cysylltwch â Chyllid a Thollau Ei Mawrhydi ar 0845 300 3900.

Manteision i’r Nani