Cyllideb Ddrafft 2013-14 – Cyhoeddwyd fis Hydref 2012

Mae’r cynlluniau gwariant a gyhoeddwyd ar 2 Hydref 2012 yn adlewyrchu ymrwymiad y Llywodraeth i wneud popeth o fewn ei gallu yn yr hinsawdd economaidd sydd ohoni i hybu twf economaidd a chreu a chynnal swyddi. Mae’n darparu £175m o gyfalaf ychwanegol er mwyn helpu i gyflenwi seilwaith allweddol ar gyfer Cymru. Bydd hyn yn creu neu’n cynnal dros 3,000 o swyddi dros y ddwy flynedd nesaf.  

Mae cynigion y Gyllideb hefyd yn adlewyrchu ymrwymiad parhaus y Llywodraeth i warchod a gwella gwasanaethau rheng flaen a gwarchod y bobl hynny sydd fwyaf agored i niwed yn y cyfnod anodd hwn.

Mae Cyllideb Ddrafft 2013-14 yn cynnwys:

• Dogfen y Gyllideb Ddrafft
• Cynigion y Gyllideb Ddrafft
• Dyraniadau Prif Grwpiau Gwariant y Gyllideb Ddrafft.

Mae’r daflen, ‘Eich Arian: Cyllideb ar gyfer Twf a Swyddi,’ yn amlygu prif negeseuon y Gyllideb. Taflen atodol sydd wedi’i hanelu at blant a phobl ifanc yw ‘Ein Cyllideb Ddrafft 2013-2014’ ac mae’n cyfleu’r wybodaeth bwysicaf ar ffurf sy’n haws ei deall.

Gallwch lawrlwytho’r holl ddogfennau isod.

Cyfanswm y cyllid sydd wedi’i ddyrannu i Adrannau Llywodraeth Cymru ar gyfer 2013-14 yw £14.8 biliwn.

Manylion cysylltu

I gael rhagor o wybodaeth cysylltwch â ni yn wag-en@mailuk.custhelp.com