Skip to content

Cadwch yn oer yn yr haf

Dolenni perthnasol

Diogelwch yn yr haul

Diogelwch yn yr haul
Mae diogelwch yn yr haul yn hanfodol i fabanod a phlant.

Diogelwch mewn dŵr

Diogelwch mewn dŵr
Mae miloedd o bobl yn mwynhau treulio amser ar draethau o amgylch Cymru bob blwyddyn.
Heulwen
Mae gwres eithafol yn beryglus i bawb – fell cadwch yn oer!

Pan fo’r tymheredd yn parhau’n anarferol o uchel o ddydd i ddydd yn ystod tywydd poeth, gall wneud pobl yn sâl, ac i bobl sy’n dioddef o rai cyflyrau gallai fod yn angheuol.

Amddiffynnwch eich hun rhag gwres llethol

Cadwch allan o’r gwres:

  • Cadwch allan o’r haul rhwng 11.00am a 3.00pm. 
  • Peidiwch â gwneud gormod o weithgarwch corfforol egnïol. 
  • Gwisgwch ddillad cotwm, ysgafn a llac.
  • Os oes rhaid i chi fynd allan yn y gwres: ceisiwch gerdded yn y cysgod, defnyddiwch eli haul a gwisgwch het a sgarff ysgafn.

Cadwch eich gwres i lawr: 

  • Yfwch ddigon o ddiodydd oer, ond ceisiwch osgoi caffîn ac alcohol. 
  • Bwytewch fwydydd oer, yn enwedig salad a ffrwythau sy’n cynnwys llawer o ddŵr. 
  • Cymerwch gawod, fath oer, neu golchwch y corff cyfan mewn dŵr oer. 
  • Chwistrellwch ddŵr dros eich croen neu’ch dillad, neu rhowch gadach gwlyb dros gefn eich gwddf.

Cadwch bob man o’ch cwmpas yn oer:

  • Cadwch y ffenestri a’r llenni sy’n wynebu’r haul ynghau yn ystod y dydd, ac agorwch y ffenestri yn y nos pan fo’r tymheredd wedi disgyn. 
  • Ystyriwch osod caeadau allanol dros y ffenestri.
  • Insiwleiddiwch y daflod a’r waliau ceudod - maen nhw’n cadw’r gwres allan hefyd!
  • Defnyddiwch baent golau, adlewyrchol ar waliau allanol. 
  • Diffoddwch oleuadau ac offer trydanol pan nad oes eu hangen – gan eu bod yn cynhyrchu gwres. 
  • Plannwch goed a phlanhigion deiliog i roi cysgod o flaen ffenestri. 
  • Cadwch blanhigion a bowlenni o ddŵr yn y tŷ gan fod anweddu’n helpu i oeri’r aer. 
  • Os yw’n bosib, symudwch i ystafell oerach, yn enwedig er mwyn cysgu.

Cadwch lygad ar eraill:

  • Cadwch lygad ar bobl sy’n byw ar eu pennau eu hunain, yr henoed, pobl sâl neu ifanc iawn, a gwnewch yn siŵr eu bod yn cadw’n gyffyrddus o oer.
  • Peidiwch â gadael babanod, plant neu bobl hŷn mewn ceir yn eu hunfan.
  • Cadwch lygad ar gymdogion, teulu a chyfeillion sy’n sâl neu’n oedrannus bob dydd yn ystod cyfnod o dywydd poeth.
  • Byddwch yn wyliadwrus a galwch am y meddyg neu’r gwasanaethau cymdeithasol os oes rhywun yn anhwylus neu os oes angen rhagor o help arnynt.

Am ragor o wybodaeth ynglŷn â phoethdonnau ewch at y cynllun poethdon ar gyfer Cymru 2009 gan Lywodraeth Cynulliad Cymru (dolen allanol)