Cyffuriau

Gall camddefnyddio cyffur arwain at ddibyniaeth gorfforol (bydd eich corff yn adweithio wrth fod hebddo) neu ddibyniaeth feddyliol (rydych yn ei gymryd i deimlo'n dda). Dyma arwyddion o gamddefnyddio cyffuriau neu fod yn gaeth i gyffuriau:

• Cynyddu'r ddôs trwy'r amser er mwyn cael yr un effaith.
• Teimlo'ch bod yn ddibynnol ar gyffur, neu ofn rhoi'r gorau iddo.
• Adwaith corfforol am gyfnod byr wedi ichi fod hebddo.
• Mae'ch hwyliau'n troi'n sydyn.
• Agwedd negyddol neu wahanol at fywyd.
• Colli awydd gwneud dim.
• Safon eich gwaith yn eich swydd neu'r ysgol yn gwaethygu.
• Problemau â pherthnasau a ffrindiau.
• Yn cael benthyg neu'n dwyn arian oddi wrth berthnasau a ffrindiau.
• Cadw cyfrinachau am eich bywyd.

Cyn gynted ag y teimlwch fod gennych broblem gyffuriau, ewch i weld eich doctor. Gall roi cyngor a help i chi a threfnu apwyntiad ag arbenigwr.

Dolenni cysylltiedig allanol

DAN 24/7 (Llinell gymorth Cymru ar gyffuriau ac alcohol)
FRANK (Saesneg yn unig) 
Samaritans (Saesneg yn unig) 
Prism (Saesneg yn unig)  
Drugscope (Saesneg yn unig)