Hwb newydd i’r Rhondda

O dan enw newydd Parc Busnes Treorci, caiff y safle ei ailwampio a’i drawsffurfio’n ganolfan busnes gyda 15 o unedau diwydiannol o ansawdd ar gyfer mentrau lleol, 90,000 troedfedd sgwâr o ofod a thua 10,000 troedfedd sgwâr o swyddfeydd.

Gyda chefnogaeth bron £2 filiwn o Gronfa Datblygu Rhanbarthol Ewropeaidd Cydgyfeirio drwy Lywodraeth Cynulliad Cymru, arweinir y prosiect gan ddau ŵr busnes o Dde Cymru, Michael Henderson a Robert Kearns, sydd hefyd wedi buddsoddi’n sylweddol.

Mae’r prosiect hefyd wedi derbyn £118,550 o raglen Blaenau’r Cymoedd i baratoi’r safle er mwyn gwneud defnydd llawn o’r adeilad unwaith yn rhagor ac i greu ystafelloedd marchnata penodol.

Dywedodd Mr Jones, sy’n Weinidog dros yr Economi a Thrafnidiaeth:

"Mae’n bleser mawr cyhoeddi bod hen safle Burberry wedi’i brynu ar gyfer parc busnes i fentrau lleol.

"Cafodd y gymuned ergyd lem pan gaeodd y ffatri a symudwyd cynhyrchu dramor wrth golli dros 300 o swyddi.

"Yn awr bydd y safle’n darparu cyfleoedd gwaith cynaliadwy newydd, wedi’u creu drwy bartneriaeth ar draws y sectorau cyhoeddus a phreifat i gefnogi busnesau ac entrepreneuriaid lleol fydd, yn eu tro, yn dod â ffyniant ychwanegol i’r gymuned gyfan."

Y bwriad yw denu busnesau lleol drwy gynnig unedau o ansawdd am bris cystadleuol a chyda’r maint priodol i weddu’r galw lleol.

Dywedodd Mr Kearns o Barc Busnes Treorci:

"Rydyn ni wrth ein bodd fod Llywodraeth y Cynulliad wedi dewis cefnogi’r weledigaeth hon o anadlu bywyd newydd i fewn i gymuned busnes a marchnad gwaith y Rhondda.  Mae’r datblygiad cyffrous hwn yn enghraifft berffaith o sut gallai’r sectorau cyhoeddus a phreifat yng Nghymru weithio law yn llaw i adfywio safleoedd mae cwmnïau rhyngwladol wedi’u gadael er mwyn cyrchu llafur rhad dramor.

"Rydyn ni’n hyderus y bydd unedau llai gyda dewisiadau tenantiaeth byrrach ar bris cystadleuol yn denu ystod o fusnesau lleol i’r safle.

Bydd gwaith yn cychwyn i ddatblygu’r safle ym mis Rhagfyr eleni.

Meddai Mr Henderson:

"Gyda’n gilydd, gallwn ddefnyddio’r asedau hynny er lles mwyaf economi Cymru.  Bydd y parc busnes yn cael ei gynllunio gydag anghenion busnesau bach lleol yn uchaf yn ar ein meddwl.  Fel un sydd wedi’i eni a’i fagu yn y  Rhondda, mae’n eithriadol o dda gen i weld y prosiect ar ei ffordd i greu gwaith sydd ei angen yn Rhondda Cynon Taf."

12 Tachwedd 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan