Ail-fywiogi brand Cymru, medd y Dirprwy Brif Weinidog

Wrth siarad mewn digwyddiad 'Cymru yn Llundain', bydd Mr Jones yn amlinellu sut mae canfyddiadau o Gymru’n chwarae rhan bwysig wrth ddenu buddsoddiadau.

Dywed Mr Jones,

"Mae codi proffil Cymru yng ngwledydd Prydain a thramor yn nod ac yn flaenoriaeth i mi ers cryn amser.  Un o flaenoriaethau allweddol ein polisi newydd 'Adnewyddu'r Economi’ yw gwneud Cymru’n lle mwy deniadol i wneud busnes, ac mae delwedd ac enw da Cymru’n ddylanwad pwysig sy’n adlewyrchu’r amgylchedd busnes.

"Mae'n amlwg bod angen i ni ail-fywiogi brand Cymru i dynnu sylw at ein llwyddiannau a mynd i'r afael â chanfyddiadau negyddol. Trwy Adnewyddu'r Economi byddwn yn datblygu brand Cymru – yn enwedig ein cynnig o gefnogaeth i fusnesau.

"Rydyn ni eisoes wedi gwneud llawer o gynnydd, wrth i lwyddiant Cwpan Ryder y llynedd gryfhau brand Cymru’n  sylweddol –  ond mae rhagor o waith eto i'w wneud.

"Rydyn ni’n cydnabod Llundain yn lleoliad allweddol lle o safbwynt creu barn.  Dyna pam y byddwn yn cryfhau ein swyddfa yn Llundain gan sy’n chwarae rhan bwysig - ac yn amlwg byddwn ni’n croesawu cyfleoedd i weithio gyda chi a phobl eraill i hyrwyddo Cymru’n well yn y Ddinas ac ar draws Llundain i gyd.  Mae ein presenoldeb yn Llundain yn hollbwysig i sicrhau’r lefelau o fewnfuddsoddi a masnach sy'n hanfodol i'n heconomi."

Bydd y Gweinidog yn siarad yn Neuadd Dinas Llundain ar ôl 6.00 pm.

Wedi’i lansio ym mis Gorffennaf, mae ‘Adnewyddu'r Economi: cyfeiriad newydd’ yn dynodi rôl newydd bydd Llywodraeth Cynulliad Cymru yn ei chwarae wrth ddarparu'r amodau gorau i gefnogi'r sector preifat ac economi Cymru.

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan