Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Ar ôl i'r Gyllideb Derfynol gael ei chytuno dywedodd Jane Hutt fod Llywodraeth Cymru wedi cyflwyno Cyllideb ar gyfer Twf a Swyddi o fewn yr amserlen arfaethedig a oedd yn ymateb i'r heriau sy'n wynebu Cymru.
Dywedodd Jane Hutt: "Trwy ffawd ac anffawd mae ein huchelgeisiau dros Gymru heb newid - rydym am weld twf economaidd, rydym am wella ansawdd bywyd a lles pawb ac rydym am amddiffyn y bobl dlotaf sydd wedi dioddef fwyaf oherwydd yr anawsterau economaidd presennol. Dyma'r uchelgeisiau sydd wedi llywio ein Cyllideb ar gyfer Twf a Swyddi.
"Bu'n flaenoriaeth gennyf erioed sicrhau Cyllideb gredadwy i Gymru ac i'r gyllideb honno gael ei thrafod a'i chytuno o fewn yr amserlen arfaethedig. Yn dilyn trafodaethau adeiladol rydym wedi cyflawni hyn a chytuno ar Gyllideb sy'n diwallu anghenion Cymru.
"Rwyf wedi siarad yn y gorffennol am sut y byddwn yn parhau i fuddsoddi mewn gwasanaethau cyhoeddus - mewn iechyd, llywodraeth leol, sgiliau ac addysg. Mae'r rhain yn wasanaethau sy'n hanfodol i'r broses o weithio ein ffordd trwy heriau economaidd ac ariannol na welwyd mo'u tebyg o'r blaen a gosod y sylfeini am dwf yn y dyfodol.
"Rydym hefyd yn parhau i gefnogi busnesau, a hynny drwy gymorth uniongyrchol, ymestyn rhyddhad rhag ardrethi busnes yn achos busnesau bach a thrwy fuddsoddi mewn seilwaith cyfalaf. Dros yr wythnosau diwethaf rydym wedi cyhoeddi sut y bydd arian cyfalaf o bron £90m yn cael ei wario, rhaglen gwerth £1.4 biliwn i'w buddsoddi mewn ysgolion a bu i ni amlinellu pecyn gwerth £38m i ysgogi'r economi gan gynnwys arian am 1800 o Brentisiaethau pellach ac arian ar gyfer Tai Cymdeithasol. Mae hyn yn dangos ein cymorth parhaus i'r diwydiant adeiladu ac i economi Cymru"
Mae sicrhau Cyllideb sefydlog i bobl Cymru yn y cyfnod ariannol anodd hwn wedi bod yn flaenoriaeth yn y trafodaethau a fu ynghylch y Gyllideb.
Ychwanegodd Jane Hutt:
"Yn ystod yr wythnosau diwethaf rydym wedi gweithio gyda'r Gwrthbleidiau i weld sut y gallwn wella ein cynigion ar gyfer y Gyllideb a bu i ni lwyddo i ddod i gytundeb ynghylch ein cynlluniau â Democratiaid Rhyddfrydol Cymru.
"Roeddwn yn falch o allu cynnwys grant newydd yn y Gyllideb Derfynol - sef y Grant Amddifadedd Disgyblion. Bydd y grant hwn yn cynnig cymorth uniongyrchol i blant y mae arnynt ei angen fwyaf. Gyda'r £20 miliwn ychwanegol, byddwn yn gallu rhoi i ysgolion swm o £450 i bob plentyn sy'n gymwys am brydau ysgol am ddim ac rwyf yn falch y bydd 70,000 o blant ledled Cymru yn elwa o ganlyniad i'r polisi hwn.
"Mae'r Gyllideb y cytunwyd arni heddiw yn cynnig sefydlogrwydd a chyfle am dwf a swyddi. Dyma'r hyn y mae pobl Cymru yn ei ddisgwyl ac yn ei haeddu a dyma'r hyn yr ydym wedi'i ddarparu."
