Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Wrth annerch cynhadledd y Sefydliad Materion Cymreig, bydd Jane Hutt yn pwysleisio pwysigrwydd buddsoddi yn seilwaith Cymru a bydd yn rhoi ei hymrwymiad i barhau i annog Llywodraeth y DU i gefnogi twf economaidd ledled Prydain.
Meddai Jane Hutt:
"Mae buddsoddi mewn seilwaith yn hanfodol i Gymru – i’r economi a’n gwasanaethau cyhoeddus. Mae’n hanfodol i economi Cymru gan y gall buddsoddi mewn seilwaith fod yn hwb pwysig y mae galw mawr amdano.
"Mae cyllideb gwariant cyfalaf Cymru yn cael ei thorri 40% mewn gwirionedd, gan roi cyfyngiadau mawr ar ein gallu i fuddsoddi yn seilwaith Cymru a helpu economi Cymru.
"Rydyn ni wedi diogelu cyllidebau cyfalaf eleni, er gwaethaf y toriadau a orfodwyd arnom, ac er bod y mesurau rydyn ni eisoes wedi’u cymryd yn cael effaith bositif, mae’n rhaid inni sicrhau hefyd ein bod yn manteisio i’r eithaf ar yr hyn sydd gennym. Mae’n hanfodol bod ein hadnoddau, sy’n fwyfwy cyfyngedig, yn ffocysu ar ein blaenoriaethau strategol.
"Dyna pam ein bod ni fel Llywodraeth wedi ymrwymo i ddatblygu Cynllun Buddsoddi mewn Seilwaith i Gymru.
"Bydd y cynllun yn dangos cyfeiriad Llywodraeth Cymru dros y 10 mlynedd nesaf, ac amlinelliad dros ddwy i dair mlynedd dreigl o’r buddsoddiadau sydd wedi’u cymeradwyo. Bydd hefyd yn dechrau proses o nodi a blaenoriaethu buddsoddiadau seilwaith sy’n bwysig yn genedlaethol ar draws y sector cyhoeddus yng Nghymru."
Ychwanegodd:
"Bydd cyllido arloesol yn chwarae rhan bwysig wrth ddarparu seilwaith allweddol yng Nghymru, ac rydyn ni’n edrych ar ffyrdd o godi’r cyfalaf ar gyfer buddsoddi yn economi Cymru. Dwi’n falch o ddweud bod pethau’n datblygu’n dda.
"Ar 31 Ionawr, lansiwyd Menter Benthyca Llywodraeth Leol, a ddylai godi hyd at £170 miliwn o fuddsoddiad mewn gwelliannau i’r priffyrdd dros y 3 mlynedd nesaf. Heb y fenter hon, ni fyddem yn gallu fforddio’r gwelliannau hyn.
"Cyn cyhoeddi fersiwn cyntaf y cynllun ym mis Mai, byddaf yn cysylltu’n eang â busnesau, partneriaid y sector cyhoeddus a’r trydydd sector i gael eu barn ar yr heriau, y cyfleoedd a’r blaenoriaethau i Gymru o ran seilwaith.
"Dwi’n credu ei bod yn hanfodol bod y cynllun, ei fersiynau yn y dyfodol a’r ffrydiau gwaith sy’n datblygu ochr yn ochr ag ef yn cael eu llywio gan y profiad a’r wybodaeth o bob sector yng Nghymru.
"Mae angen y seilwaith iawn arnom i gynnig gwasanaethau cyhoeddus modern a hygyrch. Trwy gydweithio, gallwn wneud yn siŵr y bydd hyn yn digwydd tra hefyd yn parhau i gefnogi economi Cymru."
