Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Wrth annerch mewn cinio wnaeth hi cynnal gyda John Wotton, Llywydd Cymdeithas y Gyfraith yng nghartref Cymdeithas y Gyfraith yn Chancery Lane, Llundain, fe wnaeth y Gweinidog hyrwyddo strategaeth dwf Llywodraeth Cymru ar gyfer y sector i gynulleidfa ddethol o gynrychiolwyr cwmnïau cyfreithiol mawr Dinas Llundain.
Gyda hi oedd Theodore Huckle QC, Cwnsler Cyffredinol Llywodraeth Cymru a Christopher Nott, Partner Rheoli Capital Law a Chadeirydd Panel y Sector Gwasanaethau Cyllid a Phroffesiynol.
Dywedodd Mrs Hart wrth gyfarwyddwyr, partneriaid ac uwch swyddogion y cwmnïau hyn o gyfreithwyr bod Cymru’n barod am fusnes. Roedd y gwesteion yn cynnwys hefyd aelodau’r ‘Magic Circle’ – term anffurfiol i ddisgrifio’r cwmnïau cyfreithiol a siambrau bargyfreithwyr sydd, dywedir, gyda’r mwyaf blaenllaw ym Mhrydain.
Mae’r strategaeth newydd ar gyfer y Gwasanaethau Cyllid a Phroffesiynol am weld nifer y bobl sy’n gweithio yn y sector yn cynyddu o 124,000 i 200,000 erbyn 2012 gan gynyddu swyddi a GVA (Gwerth Ychwanegol Crynswth) y sector yn gynt na’r cyfartaledd Prydeinig bob blwyddyn.
Dywedodd Mrs Hart bod Cymru’n cynnig cyfleoedd heb eu hail i gwmnïau o gyfreithwyr, yn enwedig o gofio mai Caerdydd yw’r unig ardal fenter ym Mhrydain sydd wedi’i chreu’n unswydd ar gyfer y sector.
Meddai’r Gweinidog:
"Rwy’n falch o’r cyfle hwn i dynnu’ch sylw at yr hyn sydd gan Gymru i’w gynnig a hoffwn annog cwmnïau sy’n gweithio ym myd y gyfraith i feddwl am Gymru fel lle i symud iddo pan fyddan nhw’n ehangu ac yn buddsoddi yn y dyfodol.
"Rydym yn targedu cwmnïau cyfreithiol rhyngwladol, yn gyntaf y rheini sydd â’u swyddfeydd yn Llundain, gyda chymhellion deniadol o ran hyfforddiant a sgiliau allai wella eu perfformiad a’u gwneud yn fwy cystadleuol.
"Mae Rhanbarth Dinas Caerdydd yn gwerthfawrogi ei gysylltiadau busnes â Llundain ac rydym yn credu bod ein perthynas â chynrychiolwyr blaenllaw’r gyfraith yn allweddol i weithio gyda’n gilydd i gefnogi a symbylu’r economi i dyfu.
"Mae gan Dde Cymru eisoes enw da am ei gwasanaethau cyfreithiol, gyda nifer o gwmnïau cyfreithiol rhyngwladol â’u swyddfeydd yma, cwmnïau fel Geldards, Eversheds a Hugh James – y cwmni mwyaf o gyfreithwyr yng Nghymru. Rydym yn disgwyl ymlaen at weld rhagor yn ymuno â nhw."
Gall cwmnïau cyfreithwyr o Lundain wneud eu hunain yn fwy cost-effeithiol trwy gynnal eu gwaith ‘swyddfa gefn’ yn yr Ardal Fenter newydd, gan ddefnyddio’r gronfa ragorol o sgiliau sydd ar gael yn Rhanbarth Dinas Caerdydd.
Cafodd y strategaeth ar gyfer twf ei llunio gan banel cynghori annibynnol o dan arweiniad Christopher Nott a bydd yn:
- Creu rhwydwaith o lysgenhadon yn Llundain a thu hwnt i helpu i ledaenu’r neges bod ‘Cymru ar agor ar gyfer busnes’.
- Gweithio gyda’r 100 cwmni Cyllid a Phroffesiynol mwyaf yng Nghymru i ddatblygu cynllun busnes 3 blynedd i glustnodi cyfleoedd iddynt dyfu a mynd i’r afael â’r ffactorau allai arafu’r twf hwnnw.
- Enwi’r busnesau bach a chanolig sy’n tyfu’n gyflym a llunio cynllun i gynnal eu twf.
- Helpu busnesau sy’n tyfu i gael cyllid a help proffesiynol.
- Hybu cydweithio rhwng y diwydiant, ysgolion a phrifysgolion i gynnal ymchwil a sicrhau bod y cwricwlwm a’r sgiliau yn cyfateb i anghenion y busnes.
- Codi ymwybyddiaeth myfyrwyr a busnesau sy’n tyfu am gyfleoedd am yrfa yn y sector er mwyn sicrhau bod cronfa dda o weithwyr proffesiynol medrus yn parhau i fod ar gael yng Nghymru.
