Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Dyrannwyd £4 miliwn gan Lywodraeth Cymru i awdurdodau lleol ledled Cymru fel y gyfran gyntaf o’r Fenter Benthyca dros gyfnod o dair blynedd. Bydd y gefnogaeth newydd hon yn fodd i gynghorau fynd i’r afael â’r pwysau ar gyllidebau cynnal a chadw’r ffyrdd, ac i roi hwb i fuddsoddi mewn cynlluniau lleol i wella priffyrdd.
Yn ystod ymweliad â chynllun adnewyddu troetffordd yng Nghasnewydd, gwelodd Jane Hutt, y Gweinidog Cyllid, sut y mae’r Fenter Benthyca wedi cynorthwyo Cyngor Casnewydd i wneud gwelliannau.
Dywedodd Jane Hutt:
"Gwyddom fod pwysau ar gyllidebau awdurdodau lleol ledled Cymru, a dyna pam rydyn ni wedi cyflwyno’r Fenter Benthyca. Rydyn ni eisiau helpu Cynghorau i fynd i’r afael â phwysau ar refeniw, a’u gweld yn gwneud buddsoddiad newydd ac angenrheidiol yn ein priffyrdd.
"Trwy ddarparu £4 miliwn ym mlwyddyn gyntaf y cynllun, bydd awdurdodau lleol yn cael hwb o £60 miliwn i’w gwariant cyfalaf eleni, gan arwain at welliannau ar unwaith yn ein ffyrdd a’n priffyrdd. Mewn gwirionedd, heb y cydweithio effeithiol hwn, ni fyddai modd fforddio’r buddsoddiad.
"Bydd datblygu ffyrdd newydd ac arloesol o ariannu, megis y Fenter Benthyca, yn rhan bwysig o’r Cynllun Buddsoddi mewn Seilwaith i Gymru ar gyfer twf a swyddi a fydd yn cael ei gyhoeddi yr wythnos nesaf. Rydyn ni’n parhau i fod yn llywodraeth sydd wedi ymrwymo i ddarparu seilwaith a chreu swyddi, ac rydyn ni eisiau manteisio ar bob cyfle cost-effeithiol i gynyddu’r buddsoddiad cyfalaf, er gwaethaf y toriadau llym yn ein cyllideb, a hynny ymhob rhan o Gymru."
Ychwanegodd Carl Sargeant, y Gweinidog Cyllid:
"Diolch i gydweithio agos rhwng Llywodraeth Cymru a’r awdurdodau lleol, rydyn ni’n gweld cynnydd sylweddol yng ngallu awdurdodau lleol i ariannu gwelliannau mawr i’n priffyrdd.
"Bydd yr arian yma yn gymorth iddynt wella cyflwr ein ffyrdd, lleihau amser teithio a gwella diogelwch i yrwyr a beicwyr.
"Bydd yr arian hefyd yn gymorth i’r economi leol ymhob rhan o Gymru, trwy greu swyddi a phrentisiaethau ar gyfer pobl leol, yn ogystal â darparu cyfle i fusnesau lleol fod yn rhan o’r gadwyn gyflenwi."
