Siarad ar ran plant Cymru

Eiriolwr annibynnol dros blant a phobl ifanc yw'r Comisiynydd, a'i brif nod yw diogelu a hyrwyddo hawliau a lles plant a phobl ifanc yng Nghymru.

Cymru oedd y wlad gyntaf yn y DU i gael Comisiynydd Plant annibynnol yn 2000 – cam arloesol a ddilynwyd gan yr Alban a Gogledd Iwerddon ac yn fwyaf diweddar gan Loegr.  Gwaetha'r modd, bu'n rhaid mynd ati i benodi Comisiynydd  Plant newydd yn sgil marwolaeth Peter Clarke ym mis Ionawr eleni.

Meddai'r Gweinidog dros Blant, Addysg, Dysgu Gydol Oes a Sgiliau, Jane Hutt:

Mae gan y Comisiynydd y rôl hollbwysig o ddiogelu hawliau a lles plant a phobl ifanc yng Nghymru, yn enwedig y rhai sydd fwyaf agored i niwed.

Mae angen ymgeisydd o'r radd flaenaf arnom i fodloni gofynion cymhleth y swydd hon.  Rhaid iddo fod yn rhywun sy'n gallu gwrando ar blant, sefyll dros eu hawliau, mynegi eu barn a'u cyfleu'n effeithiol i bawb - gan gynnwys y llywodraeth.

Er mwyn sicrhau bod y person iawn yn cael ei benodi, bydd yr ymgeiswyr ar y rhestr fer yn wynebu panel recriwtio o bobl ifanc yn ogystal â phanel ffurfiol wedi'i gadeirio gan y Gweinidog .  

Cynigir cyflog o £87,000 y flwyddyn ac mae'r contract am gyfnod o saith mlynedd na ellir ei adnewyddu.

Bwriad y Prif Weinidog yw penodi'r Comisiynydd newydd erbyn diwedd y flwyddyn gyda golwg ar sicrhau bod yr ymgeisydd llwyddiannus yn dechrau ar ei swydd cyn gynted â phosibl yn 2008.

1 Awst 2007

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan