Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Y llinell gymorth hon – o’r enw Meic – yw’r un gyntaf o’r fath i gael ei rhoi ar waith ar draws Cymru gyfan.
Rhoddwyd dros £450,000 o gyllid Llywodraeth y Cynulliad i’r llinell gymorth, a bydd yn rhoi help i blant a phobl ifanc gyda materion sy’n effeithio arnyn nhw, yn enwedig pan fyddant yn teimlo bod eu barn yn cael ei hanwybyddu neu ei diystyru.
Gall plant a phobl ifanc o dan 25 oed gysylltu â Meic drwy rif rhadffôn(080880 23456), testun di-dâl (84001) neu neges wib, saith niwrnod yr wythnos. Ar y dechrau, bydd Meic ar agor am 8 awr y dydd (12-8pm) cyn troi’n wasanaeth 24 awr maes o law.
Bydd y cynghorwyr yn darparu gwybodaeth i’r bobl ifanc, yn rhoi manylion ynghylch lle gallant droi am gymorth pellach, neu’n eu trosglwyddo i eiriolwr proffesiynol annibynnol. Mae’r eiriolwyr hyn wedi’u hyfforddi i helpu plant a phobl ifanc gael hyd i ffyrdd o gyfranogi a chael gwrandawiad ynghylch unrhyw benderfyniad sy’n effeithio arnynt. Gallant ymdrin â materion penodol pan fo’r plentyn neu berson ifanc yn anhapus â’r sefyllfa bresennol ac yn awyddus i gael cymorth a chefnogaeth ar gyfer dechrau, gorffen neu newid rhywbeth.
Bydd Meic yn ategu a chydweithio â gwasanaethau cynghori a llinellau cymorth eraill - megis Childline - sydd â swyddogaeth ddiogelu amlwg.
Cyn lansio Meic ym Mhrifysgol Glyndŵr, dywedodd Huw Lewis:
“Mae Meic yn gam pwysig ymlaen i eiriolaeth plant a phobl ifanc yng Nghymru. Rydym yn arwain y ffordd yn hyn o beth, ond, yn fwy na hynny, rydym hefyd yn sicrhau bod plant a phobl ifanc yn cael cefnogaeth i gael gwrandawiad teilwng i’w barn a’u safbwyntiau ynghylch y penderfyniadau sy’n effeithio arnyn nhw.
“Am y tro cyntaf, bydd gan blant a phobl ifanc bwynt cyswllt sengl – dros y ffôn, ar neges testun, neu drwy neges wib – i gael help a chefnogaeth pan fo’u hangen arnynt.”
Mae Aled Haydn Jones, cyflwynydd rhaglen gynghori Radio 1, The Surgery a chynhyrchydd rhaglen radio foreol Chris Moyles, yn cefnogi llinell gymorth Meic.
Meddai:
“Mae plant a phobl ifanc yn wynebu amrywiaeth eang o faterion ac yn aml maent yn teimlo ei bod yn anodd cael rhywun i wrando arnynt. Cefais innau brofiad uniongyrchol o hynny wrth dyfu lan.
“Rwy’n hapus dros ben i gefnogi Meic oherwydd bydd y gwasanaeth hwn yn rhoi llais a grym i blant Cymru, gan helpu i sicrhau eu bod yn cael profiadau positif mewn bywyd.”
Dywedodd Comisiynydd Plant Cymru, Keith Towler, fydd hefyd yn annerch y lansiad:
“Wrth feddwl am gael hyd i wybodaeth, bydd dau beth yn neidio i’r meddwl: lle mae cael hyd iddo ac a fyddwch yn ymddiried yn y ffynhonnell? Mae Meic yn ceisio datrys y ddau anhawster; mae’n darparu gwybodaeth ddibynadwy a chywir ac mae hefyd yn siop-un-stop i blant a phobl ifanc.
“Os bydd angen, gall Meic roi llais i blant a phobl ifanc hefyd, ac rwy’n croesawu unrhyw wasanaeth sy’n rhoi gwrandawiad i’w safbwyntiau a’u barn nhw. Rwy’n dymuno pob llwyddiant i’r gwasanaeth hwn.”
