Gwnewch gais am eich arian ychwanegol o dan y Gronfa Ymddiriedolaeth Plant cyn iddi fod yn rhy hwyr

Rhaid i rieni a gwarchodwyr plant a gafodd eu geni rhwng 31 Awst 2004 a’r 1 Medi 2005 gyflwyno eu ffurflenni cais ar gyfer y swm atodol o dan y Gronfa Ymddiriedolaeth Plant erbyn 31 Ionawr.  

Mae pob plentyn cymwys yn gallu hawlio £50, a fydd yn cael ei dalu i mewn i’w cyfrifon Cronfa Ymddiriedolaeth Plant, ac mae £50 ychwanegol ar gael i blant sy’n byw mewn teuluoedd incwm isel.

Dywedodd Huw Lewis:

“Mae gan rieni a gwarchodwyr plant cymwys hyd at 31 Ionawr i gyflwyno eu ffurflenni cais ar gyfer y swm atodol olaf hwn. Rwy’n eu hannog i lenwi’r ffurflen nawr a chyflwyno eu ceisiadau.

“Dw i am bwysleisio, er gwaethaf penderfyniad Llywodraeth y DU i ddirwyn y Gronfa Ymddiriedolaeth Plant i ben, y bydd plant yng Nghymru yn dal i allu manteisio ar Gronfa Ymddiriedolaeth Plant Cymru eleni. Felly, anfonwch eich ffurflenni cais i mewn.”

Mae’r Gronfa Ymddiriedolaeth Plant yn helpu i annog pobl ifanc i gynilo, mae’n gwella llythrennedd arian, ac mae’n mynd i’r afael ag allgáu cymdeithasol. Mae hefyd yn rhoi sylfaen ariannol bwysig i bobl ifanc ar gyfer y dyfodol.  

Ychwanegodd Mr Lewis:

“Yn anffodus, y llynedd, penderfynodd Llywodraeth Glymblaid y DU ddirwyn y Gronfa Ymddiriedolaeth Plant i ben, ac mae hynny’n cael effaith ar yr hyn rydyn ni’n ei wneud yng Nghymru. Rydyn ni wedi gweithio’n galed i geisio dod o hyd i ffordd o barhau i gynnig symiau atodol ar ôl y flwyddyn hon. Fodd bynnag, wedi ystyried yn hir, daeth yn amlwg na fyddai hynny yn bosibl.  

“Mae hyn yn achos cryn siom, ond rydyn ni wedi dod o hyd i ffyrdd newydd o fanteisio’n llawn ar y Gronfa Ymddiriedolaeth Plant. Er mwyn gwneud hynny, byddwn ni’n buddsoddi bron i £3 miliwn i gefnogi plant anabl a phlant sy’n derbyn gofal.”

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan