Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Bydd y gwobrau’n cael eu cyflwyno ar 17 Mawrth a byddan nhw’n cydnabod gwaith prosiectau unigol, pobl ifanc a gweithwyr ieuenctid.
Trwy’r gwaith hwn, mae pobl ifanc yn gwneud cyfraniad gwerthfawr iawn i’n cymunedau, ac mae’r Gwobrau Rhagoriaeth hyn yn cydnabod gwaith caled ac ymrwymiad ein gweithwyr ieuenctid.
Mae’r gwobrau’n gyfle i gydweithwyr, gweithwyr proffesiynol eraill yn y maes a phobl ifanc enwebu a chydnabod y bobl hynny sy’n gosod esiampl o ragoriaeth ac sy’n ysbrydoli eraill. Mae hefyd yn gyfle i ddweud diolch yn fawr ar ran yr holl bobl ifanc sydd wedi elwa ar eu cyfraniad.
Roedd noson wobrwyo y llynedd yn noson o ddathlu, pan gafodd gweithwyr ieuenctid unigol a phrosiectau ieuenctid eu cydnabod, gydag enwau’r naw enillydd yn cael eu cyhoeddi yn null cyhoeddi’r Oscars.
Eleni, bydd y gwobrau’n cael eu cyflwyno i brosiectau, gweithwyr ieuenctid unigol a phobl ifanc.
Meddai’r Dirprwy Weinidog dros Blant, Huw Lewis:
“Dylai ein holl bobl ifanc gael y cyfle i wneud amrywiaeth o weithgareddau a chael gwahanol brofiadau er mwyn iddyn nhw allu gwneud dewisiadau da a buddiol, dysgu sgiliau, datblygu’n emosiynol, a dysgu o’u profiadau mewn amgylchedd cefnogol.
“Mae gweithwyr ieuenctid yn chwarae rhan bwysig yn y broses hon sy’n rhoi’r cyfle i bobl ifanc wneud ffrindiau newydd, cael profiadau newydd a dysgu sgiliau.
“Mae Gwobrau Rhagoriaeth Gwaith Ieuenctid Cymru yn gyfle i ddiolch i'r bobl sy’n gwneud cymaint o wahaniaeth i fywydau pobl ifanc.
“Hoffwn annog pawb sy’n adnabod rhywun sy’n haeddu cael ei gydnabod am ei waith caled yn y maes hwn i enwebu’r person hwnnw ar gyfer gwobr yn 2011, er mwyn i ni allu cydnabod ei gyfraniad mewn modd teilwng.”
I gael copi o’r ffurflen enwebu, ewch i wefan Diolch Sam neu ffoniwch 01443 663785.
Rhaid anfon enwebiadau erbyn 25 Chwefror 2011.
