Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Dewiswyd gwaith gan Holly Bonser o Ysgol Bodafon, Lee Jamie Bradley o Ysgol Tudno a Daniel Myles, disgybl yn Ysgol Morfa Rhianedd, fel y tri darn buddugol. Cafodd eu cynigion eu cyfuno’n un wedyn a gwnaed model o’r gwaith gan fyfyrwyr o Goleg Llandrillo.
Datguddiwyd y ffagl yn swyddfa Llywodraeth Cymru yng Nghyffordd Llandudno ddydd Iau gan y Dirprwy Weinidog Amaethyddiaeth, Bwyd, Pysgodfeydd a Rhaglenni Ewropeaidd, Alun Davies.
Roedd cyfle hefyd i weld y ffagl Olympaidd a ddefnyddiwyd gan Elin Owen, un o gludwyr y fflam, a fu’n cario ffagl ar Reilffordd Ffestiniog.
Dywedodd y Dirprwy Weinidog Amaethyddiaeth, Bwyd, Pysgodfeydd a Rhaglenni Ewropeaidd, Alun Davies:
"Roedd yn bleser i mi gael datguddio model y ffagl Olympaidd yn swyddfa Llywodraeth Cymru yng Nghyffordd Llandudno. Mae’n amlwg o’r arlunwaith sydd yn cael ei arddangos bod hon wedi bod yn gystadleuaeth y mae’r disgyblion wir wedi mwynhau bod yn rhan ohoni.
"Rwyf hefyd wrth fy modd yn cael gweld y gwaith trawiadol y mae myfyrwyr o Goleg Llandrillo wedi ei wneud wrth greu’r ffagl. Dylai’r disgyblion a myfyrwyr y coleg fod yn falch iawn o’u hunain.
"Mae’r gystadleuaeth yn parhau â’r cysylltiadau cryfion y mae swyddfa Llywodraeth Cymru yng Nghyffordd Llandudno wedi eu meithrin gydag ysgolion a cholegau, ac yn parhau â’r gwaith caled o ymgysylltu â phobl ifanc yn y Gogledd."
Dywedodd y Gweinidog Chwaraeon Huw Lewis:
"Mae disgyblion o ysgolion yn Llandudno a Chyffordd Llandudno yn bendant wedi ymgorffori ysbryd y Gemau drwy’r gystadleuaeth hon.
"Roedd yn wych gweld miloedd o bobl ar ochr y ffordd wrth i’r ffagl Olympaidd deithio ledled Cymru ac mae’n dangos cymaint y mae pobl yn edrych ‘mlaen at y Gemau Olympaidd. Mae’r prosiect hwn wedi parhau â’r teimlad da sydd ynghlwm â’r Gemau."
Yn ôl Michael Jervis, Pennaeth Adeiladu Grŵp Llandrillo-Menai Rhos:
"Rydym wrth ein boddau o fod ynghlwm â’r fenter bwysig hon i hybu’r Gemau Olympaidd. Roedd safon y gwaith a gynhyrchwyd gan yr ysgolion yn uchel gyda’r canlyniad bod y tiwtoriaid yn trafod yn hir cyn penderfynu ar yr enillwyr. Mae’r staff a’r myfyrwyr yn y Coleg wedi mwynhau gwneud y ffagl yn fawr iawn, yn arbennig oherwydd y dylanwadau lleol sydd wedi eu cynnwys yn y cynlluniau gwreiddiol."
