Terfyn o 30 disgybl mewn dosbarthiadau cynradd yng Nghymru wedi’i sicrhau

Dywedodd Jane Hutt, y Gweinidog dros Addysg:

Rwy’n siŵr bod rhieni ac athrawon yn cefnogi ymrwymiad parhaus Llywodraeth Cynulliad Cymru i ddosbarthiadau llai o faint a byddant yn croesawu’r ffigurau newydd rhagorol hyn.

Ers 2001, mae pob dosbarth babanod wedi gorfod glynu at y terfyn o 30 disgybl neu lai mewn dosbarth. Ar ôl ystyried yr eithriadau a ganiatawyd o dan y gyfraith, gwnaeth yr ymarfer i gyfrif maint dosbarthiadau ym mis Medi 2008  ddangos mai dim ond 15 o’r 3991 dosbarth babanod yng Nghymru oedd â mwy na 30 disgybl.

Mae Llywodraeth Cynulliad Cymru yn gweithio gyda’r awdurdodau lleol ac ysgolion i sicrhau bod y 15 dosbarth yn cydymffurfio â’r terfyn deddfwriaethol erbyn dechrau’r tymor ysgol nesaf.

Mae gan Lywodraeth Cynulliad Cymru darged hefyd o sicrhau bod dosbarthiadau iau yn cynnwys 30 disgybl neu lai. Ar adeg y cyfrif, yr oedd gan 3.7% o’r dosbarthiadau iau fwy na 30 disgybl. Mae hyn yn cymharu â 25% ym 1999 a 3% yn 2007.

Dywedodd Jane Hutt:

Y mae’n galonogol i weld bod y mwyafrif o ddisgyblion iau mewn dosbarthiadau lle mae 30 disgybl neu lai ond bydd angen i ysgolion ac awdurdodau lleol ailedrych ar yr angen i sicrhau bod y dosbarthiadau mawr yma’n cael eu diddymu.

Dros y blynyddoedd nesaf bydd cyflwyno’r Cyfnod Sylfaen yn galluogi plant sydd o oedran cynradd a babanod i elwa hyd yn oed yn fwy ar waith gyda grwpiau llai a rhoi sylw unigol i ddisgyblion. Rydym yn cydnabod bod ein dysgwyr ieuengaf yn haeddu’r dechrau gorau posibl i’w haddysg.

26 Tachwedd 2008

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan