Fframwaith newydd ar gyfer codi arian i Addysg Uwch

Yn dilyn lansio cynllun tebyg yn Lloegr yn gynharach eleni, mae’r Gweinidog Addysg, Jane Hutt, wedi hysbysu Is-gangellorion Prifysgolion Cymru o fwriad Llywodraeth Cynulliad Cymru i gydweithio â Chyngor Cyllido Addysg Uwch Cymru a chynrychiolwyr eraill o’r sector AU i ddatblygu cynllun codi arian i Gymru.

Bydd y cynllun yn annog prifysgolion Cymru i gynyddu ac ehangu eu gallu i godi arian ac ysgogi cynfyfyrwyr ac unigolion eraill i roi arian yn wirfoddol trwy warantu y bydd y llywodraeth yn darparu cyllid cyfatebol ychwanegol.

Dywedodd Jane Hutt:

Rydym yn cydweithio gyda’r Cyngor Cyllido Addysg uwch a’r sector addysg uwch ehangach yng Nghymru i ddatblygu fframwaith a fydd yn cynyddu gallu holl brifysgolion Cymru i godi arian.

Rwy’n dymuno gweld system Addysg Uwch fywiog a llwyddiannus yma yng Nghymru a bydd y cynllun hwn yn sicrhau nad yw prifysgolion Cymru dan anfantais yng nghyd-destun ehangach y DU.

23 Rhagfyr 2008

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan