Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Bydd y llinell gymorth y gyntaf o’i bath yn y DU i’w rhoi ar waith yn genedlaethol, a bydd yn rhoi cyfle i blant a phobl ifanc dderbyn cymorth ar faterion sy’n bwysig iddynt, os ydynt yn teimlo nad oes neb yn gwrando arnynt neu nad ydynt yn cael y cymorth sydd ei angen arnynt. Bydd y llinell gymorth ar gael drwy linellau ffôn am ddim, tecstio, e-bostio a negeseuon gwib am ddim.
Bydd y Gwasanaeth Eirioli a Chynghori yn cydweithio â gwasanaethau a llinellau cymorth eraill sy’n cynnig cyngor, megis Childline, sydd â swyddogaeth ddiogelu amlwg, ac yn eu hategu.
Daw y cyhoeddiad ar 20fed pen-blwydd Confensiwn y Cenhedloedd Unedig ar Hawliau’r Plentyn. Ar ddathliad i nodi pen-blwydd y Confensiwn, lansiodd y Gweinidog hefyd Gynllun Gweithredu newydd o bwys ‘Gwneud Pethau’n Iawn’ sy’n amlinellu sut y bydd Llywodraeth Cynulliad Cymru yn cymryd camau o bwys i wneud hawliau plant a phobl ifanc yn realiti dros y 5 mlynedd nesaf yng Nghymru.
Mae prif gamau’r cynllun yn cynnwys:
- Mynd i’r afael â chanfyddiadau negyddol o blant a phobl ifanc, yn arbennig ar y cyfryngau – trwy hyrwyddo llwyddiannau plant a phobl ifanc a dathlu eu llwyddiannau
- Gweithio i ddileu pob mathau o fwlio – trwy ganllawiau gwrth-fwlio newydd a hybu mentrau megis yr wythnos gwrth-fwlio
- Sicrhau bod gan bob plentyn yr hawl i chwarae – trwy ddatblygu polisi chwarae newydd a rhoi mwy o gyfleoedd i blant a phobl ifanc gymryd rhan mewn cerddoriaeth, y celfyddydau a chwaraeon
Ychwanegodd Rhodri Morgan y Prif Weinidog, a oedd hefyd yn bresennol yn y digwyddiad i ddathlu ugeinfed pen-blwydd y Confensiwn:
“Mae fy Llywodraeth wedi gwneud yn glir ein bod yn benderfynol o sicrhau y gall ein plant a’n pobl ifanc fwynhau a defnyddio eu hawliau.
“Rydym am sicrhau y gall blant a phobl ifanc gael cymorth pan fyddant ei angen gan bobl all eu cefnogi a’u cynrychioli hwy a’u safbwyntiau.
“Rydym yn gweithio’n galed i helpu i blant a phobl ifanc Cymru fyw bywydau iachach, gan fwynhau a chyflawni mwy. Rwy’n optimistaidd y bydd y polisïau a’r rhaglenni sydd gennym yn helpu i gyflawni ein hymrwymiadau i blant a phobl ifanc Cymru.”
Meddai Jane Hutt:
“Yng Nghymru, rydym yn defnyddio Confensiwn ar Hawliau’r Plentyn fel sylfaen i’n holl waith gyda ac ar gyfer plant a phobl ifanc. Rydym wedi ymrwymo i roi sail gyfreithiol i’r gwaith hwn, a chyhoeddodd y Prif Weinidog yn ddiweddar ein bwriad i edrych mwy ar y posibilrwydd o gyflwyno Mesur i sefydlu egwyddorion y Confensiwn yn ddeddf ar ran plant Cymru.
“Mae’n rhaid inni gefnogi plant a phobl ifanc trwy amseroedd anodd pan fydd angen mwy o gymorth arnynt efallai. Mae Erthyglau 12 ac 13 y Confensiwn yn datgan bod gan blant yr hawl i gael rhywun i wrando ar eu lleisiau, ac i dderbyn a rhannu gwybodaeth.
“Mae’r gwasanaeth eirioli a chynghori yr wyf wedi’i gyhoeddi heddiw yn cefnogi plant a phobl ifanc i wneud hynny. Bydd yn fwy na gwasanaeth gwybodaeth. Bydd yn rhoi cyngor ac yn dod o hyd i wasanaethau i blant a phobl ifanc i’w helpu ym mhob math o sefyllfa. Mae’n golygu rhoi cymorth a chefnogaeth ymarferol iddynt pan fydd pethau’n mynd yn anodd, a phan fyddant yn teimlo nad ydynt yn cael yr help y maent ei angen neu sydd ganddynt yr hawl iddo.”
20 Tachwedd 2009
