Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Mae Wythnos Gwrth-fwlio yn rhoi cyfle gwych i Lywodraeth Cynulliad Cymru gydweithio â Rhwydwaith Gwrth-fwlio Cymru a sefydliadau fel NSPCC Cymru i helpu'r rheini y mae bwlio'n effeithio arnyn nhw.
Yn ystod yr wythnos, bydd ysgolion a sefydliadau ledled Cymru yn cymryd rhan mewn gweithgareddau i helpu plant a phobl ifanc i gydnabod yr effeithiau andwyol y gall bwlio eu cael ac i helpu'r rheini sy'n cael eu bwlio.
Meddai Leighton Andrews:
"Yn anffodus, mae gormod o blant a phobl ifanc yng Nghymru yn dal i ddioddef oherwydd bwlis. Mae hyn yn annerbyniol.
"Yn aml, mae pobl sy'n cael eu bwlio mewn unrhyw ffordd yn colli hyder ac yn ofni dweud wrth rywun. Felly, mae'n hanfodol bod gan weithwyr addysg proffesiynol y sgiliau iawn i gydnabod bod plentyn yn cael ei fwlio er mwyn iddyn nhw allu datrys y broblem a chyflwyno mesurau i atal hynny rhag digwydd eto.
"Mae Wythnos Gwrth-fwlio yn gyfle i weithwyr proffesiynol, rhieni a disgyblion rannu arfer gorau a dysgu oddi wrth brofiadau ei gilydd."
Yr wythnos hon, bydd plant ledled Cymru yn gwneud eu rhan i ledaenu'r neges wrth-fwlio.
Un o'r ysgolion sy'n cymryd rhan yw Ysgol yr Eglwys yng Nghymru y Faenol ym Mangor, lle cafodd Sian Thorpe, sy'n ddeg oed, ei hysbrydoli i ysgrifennu cerdd bwerus ar ôl i un o'i ffrindiau gael ei fwlio.
O weld ei ffrind yn mynd drwy gyfnod anodd, daeth Sian yn ymwybodol o'r anhapusrwydd y mae bwlio yn ei achosi, felly yn ogystal ag ysgrifennu'r gerdd creodd flychau gwrth-fwlio lle gallai disgyblion adael nodyn i roi gwybod i athrawon am unrhyw achosion o fwlio yn yr ysgol.
Mae Scott Nelson a'i ffrindiau yn Ysgol Gyfun y Barri hefyd yn cymryd rhan yn Wythnos Gwrth-fwlio gyda'u 'Criw Gwrth-fwlio'.
Gyda chymorth athrawon, mae'r criw yn cael ei hyfforddi i helpu eu ffrindiau iau drwy wrando ar eu problemau, datrys gwrthdaro a nodi achosion y mae angen i oedolion ymyrryd ynddyn nhw.
Ychwanegodd Leighton Andrews:
"Mae clywed am y prosiectau a'r gwaith sy'n cael ei wneud gan ddisgyblion mewn ysgolion i fynd i'r afael â bwlio yn ysbrydoliaeth. Dyma nod Wythnos Gwrth-fwlio, a dw i'n gobeithio bod Sian a Scott yn annog pobl ifanc eraill i gael gwared â bwlio yn eu hysgolion."
