Ymgynghoriad ar ddiddymu Corfforaethau Addysg Uwch

Mae’r cynnig cyntaf yn ymwneud â diddymu Corfforaeth Addysg Uwch Prifysgol Fetropolitan Caerdydd a Chorfforaeth Addysg Uwch Prifysgol Cymru, Casnewydd, ac mae’r ail yn ymwneud â diddymu Corfforaeth Addysg Uwch Prifysgol Cymru, Casnewydd yn unig.

Bydd yr ymgynghoriad yn para am un wythnos ar bymtheg, a bydd yn rhoi cyfle i bawb sydd â diddordeb yn y mater hwn, gan gynnwys y staff a’r myfyrwyr, gyflwyno sylwadau am y cynigion.

Dywedodd Leighton Andrews:

“Ddydd Mawrth 17 Gorffennaf, dywedais wrth Gynulliad Cenedlaethol Cymru fy mod, ar ôl pwyso a mesur y dystiolaeth a oedd ger fy mron, yn credu ar hyn o bryd fod cynnig Cyngor Cyllido Addysg Uwch Cymru ar gyfer prifysgol fetropolitan gref yn y
De-ddwyrain yn un cadarn. Dw i wedi rhoi croeso yn barod i’r cyhoeddiad a wnaed gan Brifysgol Morgannwg a Phrifysgol Cymru, Casnewydd.

“Dw i wedi dweud o’r blaen fy mod am weld system Addysg Uwch yng Nghymru sy’n manteisio i’r eithaf ar gryfderau’r sefydliadau unigol, ac sy’n osgoi cystadleuaeth ddiangen rhyngddyn nhw.

“Dw i o’r farn y gallai argymhellion Cyngor Cyllido Addysg Uwch Cymru ar gyfer y De-ddwyrain fod yn ffordd briodol ymlaen, a dyna’r opsiwn dw i’n ei ffafrio ar hyn o bryd. O dan yr opsiwn hwnnw, byddai un sefydliad yn canolbwyntio ar wneud gwaith ymchwil a’r llall yn brifysgol fetropolitan gref."

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan