Llywodraeth Cymru | Data incwm fferm 2007-08 : byd amaeth Cymru yn sefydlogi

Hafan > Newyddion > Yr amgylchedd a chefn gwlad > 2008 > Data incwm fferm 2007-08 : byd amaeth Cymru yn sefydlogi

Cofrestrwch ar gyfer y canlynol: Cylchlythyr | Newyddion

Data incwm fferm 2007-08 : byd amaeth Cymru yn sefydlogi

Heddiw [Dydd Mercher 26 Tachwedd], croesawodd Elin Jones, y Gweinidog dros Faterion Gwledig, yr ystadegau ar incymau fferm yng Nghymru, a oedd yn dangos bod byd amaeth Cymru yn sefydlogi, a hynny’n enwedig ar gyfer y sector defaid.

Dydd Mercher 26 Tachwedd 2008

Dywedodd y Gweinidog:

Mae’r ystadegau ar Incymau fferm a gyhoeddwyd heddiw yn arwydd cadarnhaol bod y diwydiant yn ymateb yn frwd i’r heriau cystadleuol a hynny er gwaetha’r anawsterau a oedd yn gysylltiedig â 2007 gan gynnwys y cyfyngiadau ar fasnachu a osodwyd o ganlyniad i Glwy’r Traed a’r Genau yn Lloegr.

Amcangyfrifwyd bod incymau ffermwyr llaeth wedi cynyddu £51,300, sy’n gynnydd o 68% o’i gymharu â llynedd. Mae’r ffigurau diweddaraf hyn yn adlewyrchu’r gwelliant ym mhris llaeth wrth gât y fferm.

Tua diwedd 2007 gwelwyd pwysau ar ffermwyr defaid wrth iddynt orfod wynebu prisiau llai a chostau uwch. Er gwaethaf hyn, mae incymau mewn Ardaloedd Llai Ffafriol yn dangos gwelliant mawr i £19,800. Mae hyn yn rhannol oherwydd y cymorth a roddwyd drwy law'r pecyn iawndal Clwy'r Traed a’r Genau a sicrhawyd yn dilyn trafodaethau rhwng Llywodraeth Cynulliad Cymru a’r Comisiwn Ewropeaidd.

Mae cynhyrchwyr cig eidion wedi elwa ar brisiau sefydlog ond nid yw hynny wedi atal incymau ffermydd Defaid a Gwartheg Llawr Gwlad rhag disgyn i £19,000, yn bennaf oherwydd cwymp mewn allbwn defaid.

26 Tachwedd 2008