Llywodraeth Cynulliad Cymru’n ymuno ag ymgyrch 10:10

Mae hyn yn golygu y bydd adeiladau ac eiddo yn ystâd Llywodraeth y Cynulliad nawr gyda’i gilydd yn anelu i dorri ar allyriadau 10% yn 2010. Bydd y sefydliad yn ceisio lleihau’r defnydd o drydan grid, y defnydd o danwydd ffosil a theithio. Bydd cyfarpar darllen mesuryddion awtomatig yn cael ei osod mewn 30 o swyddfeydd Llywodraeth y Cynulliad i fonitro perfformiad amgylcheddol.

Meddai Mr Morgan:

“Drwy ymuno â’r ymgyrch 10:10 mae ystadLlywodraeth Cynulliad Cymru’n rhoi neges gref am ein hymrwymiad i fynd i’r afael â newid hinsawdd. Mae’n golygu ein bod yn arwain drwy esiampl ac yn gwneud yn siŵr fod ein tŷ ni mewn trefn. Y llynedd fe wnaethom dorri ar allyriadau o’n swyddfeydd a’n gweithgareddau 4%, ond nawr rydym am fynd ymhellach ac arwain drwy esiampl gan anelu at wneud cymaint â phosibl o arbedion carbon ar draws ein hystâd. Mae’r camau hyn yn dda nid yn unig ar gyfer yr amgylchedd, ond yn gwneud synnwyr ariannol hefyd gan y byddant yn arbed arian i’r trethdalwyr.”

Meddai’r Gweinidog Amgylchedd Jane Davidson:

“Mae Llywodraeth Cynulliad Cymru wedi gosod targed uchelgeisiol o dorri i lawr ar allyriadau carbon 3% y flwyddyn o 2011 ymlaen mewn ardaloedd a reolir gennym, gan alluogi lleihad o 80% cyn 2050. Drwy sicrhau bod ein swyddfeydd a’n heiddo’n ymuno â’r ymgyrch 10:10 ychydig cyn y trafodaethau tyngedfennol yn Copenhagen, rydym yn dangos ein hymrwymiad i’r agenda hon. Byddwn yn annog pob rhan o’r sector cyhoeddus yng Nghymru i wneud yr un peth ac ymuno â’r ymgyrch hon a lleihau eu hallyriadau carbon.”

2 Rhagfyr 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan