Dirprwy Weinidog yn cynrychioli Cymru ym Mrwsel

Bydd y Dirprwy Weinidog yn dychwelyd i'r Cyngor, gan fonitro datblygiadau'r trafodaethau ar ddiwygio'r Polisi Amaethyddol Cyffredin, a chyflwyno barn gref ac anghenion amaeth Cymru.

Mae'n teithio i Frwsel fel rhan o Dîm Gweinidogol y DU, gyda Gweinidogion o Lywodraeth y DU a'r Llywodraethau Datganoledig eraill. Bydd Mr Davies a'i swyddogion cyfatebol yn trafod materion yn ymwneud â diwygio'r PAC, yn arbennig, mater y taliad gwyrdd.

Gan siarad cyn y cyfarfod, dywedodd y Dirprwy Weinidog:

"Mae'r Polisi Amaethyddol Cyffredin yn chwarae rhan hanfodol yn y diwydiant ffermio yng Nghymru. Felly rwy'n gwbl barod i fod yn gadarn dros anghenion Cymru yn ystod y broses o ddiwygio er mwyn sicrhau ein bod ni'n cael y canlyniadau gorau i'n gwlad.

"Bydd y trafodaethau ar ddiwygio'r PAC yn si?r o fod yn broses hir, ar sawl lefel, o fewn Cymru ac yn y DU, a hefyd ledled Ewrop. Byddaf yn cadw'r drafodaeth yn fyw, yng Nghymru ac yn y Cyngor Amaethyddiaeth a Physgodfeydd ym Mrwsel a Luxembourg.

"Rwy' wedi fy nghalonogi wrth glywed y Comisiynydd Ewropeaidd yn cyfeirio'n gyhoeddus at anghenion ffermwyr Cymru, ac rwy'n falch iawn o weld bod fy nghyfraniad i'r cyfarfodydd hyn yn amlwg yn talu'r ffordd.  Byddaf yn parhau i chwarae rhan weithgar yn y broses o sicrhau bod Cymru'n cael y fargen orau bosibl yn y pen draw."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan