Llywodraeth Cymru yn awyddus i glywed barn ar Barthau Cadwraeth Morol arfaethedig

Lansiodd Gweinidog yr Amgylchedd, John Griffiths, ymgynghoriad ym mis Ebrill wnaeth amlinellu 10 safle posib ar gyfer Parthau Cadwraeth Morol g warchodedig iawn .

Bydd Llywodraeth Cymru yn cynnig dewis uchafswm o dri neu bedwar safle o’r deg y gallant eu gadael i weithredu mor naturiol â phosib. Bwriad hyn yw hybu adferiad yr ecosystem ym moroedd Cymru a dysgu mwy am y modd mae ecosystemau morol yn gweithio.

Mae’r Llywodraeth yn awyddus i bwysleisio nad yw ond yn dechrau ar y broses hon a’i bod am ddysgu tipyn mwy am y safleoedd ac effeithiau dynodi’r parthau ar y cymunedau lleol cyn gwneud unrhyw benderfyniadau .

Dywedodd y Gweinidog Amgylchedd, John Griffiths:

"Cymal cyntaf y broses ymgynghori yw darganfod cymaint o wybodaeth ag y gallwn am y safleoedd posib. Dyna pam ein bod yn awyddus i geisio barn y cyhoedd a phob grŵp sydd â diddordeb, yn enwedig pysgotwyr, grwpiau amgylcheddol a gweithredwyr hamdden a thwristiaeth .

"Byddwn yn cynnal nifer o gyfarfodydd gyda grwpiau a sefydliadau dros gyfnod yr ymgynghoriad er mwyn trafod yn uniongyrchol â nhw. Rwy’n gwybod bod gan rai grwpiau pysgota bryderon penodol ac fel Llywodraeth rydym yn awyddus iawn i glywed eu barn."