Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Mae’r dyddiad cau ar gyfer cyflwyno ceisiadau am Elfen Cymru Gyfan Glastir (AWE) wedi’i ymestyn i ddydd Llun 23 Ebrill 2012 (ar gyfer contract sy’n dechrau’n 2013).
Ers y cylch ceisiadau diwethaf, mae gwelliannau pwysig wedi’u gwneud. Os oeddech chi’n un o’r ffermwyr hynny oedd yn methu â chyrraedd y trothwy pwyntiau yn 2012, rydym yn eich cynghori’n gryf i roi cynnig arall arni a’r tro hwn, defnyddiwch y cerdyn sgorio electronig newydd. Mae’n bosibl y cewch eich siomi ar yr ochr orau.
Os ydych chi wedi ystyried ymuno â Glastir o’r blaen, mae’n bwysig eich bod yn sylweddoli bod pethau wedi newid. Oeddech chi’n gwybod mai dim ond 4 o Opsiynau AWE oedd yn rhaid i ffermwr eu cynnal ar gyfartaledd yn 2012 er mwyn cyrraedd y trothwy pwyntiau angenrheidiol?
Dywedodd Alun Davies, y Dirprwy Weinidog dros Amaethyddiaeth:
"Mae llawer o’r newidiadau sydd wedi’u gwneud bellach i Glastir a’i brosesau yn golygu bod Glastir lawer fwy deniadol a rhwydd i ffermwyr. Mae’r pwyntiau ar gyfer yr opsiynau unigol yn uwch, mae’r gyfradd talu gyffredinol fesul hectar yn uwch ac mae llai o waith papur.
"Mae Glastir yn elfen bwysig iawn o amcanion a rhwymedigaethau amgylcheddol Llywodraeth Cymru. Mae yma i aros ac rwy’n eich cynghori’n gryf i ymgeisio i ymuno â’r cynllun cyn y dyddiad cau."
Dyma rai o’r prif welliannau:
- Mae gwerth y pwyntiau a therfynau’r pwyntiau ar gyfer pob opsiwn wedi cynyddu.
- Gall yr ymgeiswyr hynny sy’n dewis y trothwy mynediad is gael eu pwyntiau llawn trwy ymrwymo i chwistrellu 100% o’u slyri drwy Opsiwn 14. Os na all yr ymgeisydd ymrwymo i 100%, mae modd iddo ddewis Opsiwn 14b sef chwistrellu 75% o’i slyri ond rhaid iddo ddewis rhagor o opsiynau i gyrraedd ei drothwy pwyntiau.
- Mae Opsiwn 8 y cynllun nawr ar gael ar gyfer Coetiroedd (parhau i reoli coridor ar lan nant).
- Mae’r holl opsiynau a gyflwynwyd o ganlyniad i Adolygu Glastir 2011 nawr ar gael i bob ymgeisydd (gan gynnwys yr opsiwn ar gyfer ffin 2 metr o led).
- Llacio gofynion dyddiadur stocio'r rheini sy’n dewis opsiynau 15 a 15B (tir pori parhaol gydag ychydig iawn o fewnbynnau neu ddim mewnbynnau o gwbl)
- Gellir defnyddio tir sy’n gymwys ar gyfer opsiynau 41A a 41B (tir agored) i gynnal opsiynau rheoli eraill cymwys.
- Gellir defnyddio opsiynau 19 ac 19B (rheoli glaswelltir gwlyb ar dir isel gyda neu heb bori cymysg) ar barseli o ucheldir sydd heb eu dynodi fel “tir agored” cyn belled ag y gellir bodloni’r holl opsiynau rheoli.
Dylai ymgeiswyr hefyd fod yn ymwybodol bod y capasiti slyri y gellir ei storio a nodir yn yr adran ‘Sut i Lenwi’ yn llyfryn esboniadol 2013 yn anghywir. Rhaid i chi allu storio o leiaf 100m3 ac nid 1000m3 fel y nodir yn y llyfryn.
Os oes gennych chi ddiddordeb mewn ymuno â’r cynllun ond eich bod yn cael trafferth i lenwi may y cais, cysylltwch â’ch swyddfa Ranbarthol fydd yn gallu’ch helpu.
