Dirprwy Weinidog mewn trafodaethau yn Lwcsembwrg

Pwrpas ymweliad y Dirprwy Weinidog yw mynd i gyfarfod y Cyngor fel rhan o Dîm Gweinidogol y DU, ynghyd â Gweinidogion y DU a Llywodraethau Datganoledig eraill er mwyn rhoi cynrychioliaeth gref i fuddiannau amaethyddiaeth Cymru mewn trafodaethau ar ddiwygio'r PAC.

Gan siarad cyn y cyfarfod dywedodd y Dirprwy Weinidog:

"Mae trafod telerau diwygio'r PAC yn broses hir iawn sydd angen trafodaeth ar sawl lefel; o fewn Cymru, y DU ac Ewrop.

"Rwyf wedi ymrwymo i lais Cymru gael ei glywed yn Ewrop, gan barhau i wneud hynny yng nghyfarfod y Cyngor yn Lwcsembwrg. Byddaf yn gweithio’n agos gyda holl weinyddiaethau’r DU yn ogystal ag arwain y drafodaeth gyda’r diwydiant amaethyddiaeth yng Nghymru i lunio safle unedig Cymreig."

Mae’r agenda yn cynnwys agweddau penodol ar ddiwygio'r PAC i’w trafod megis capio ac ailddosbarthu taliadau, ffermwyr bach a ffermwyr ifanc.

Dywedodd Mr Davies:

"Mae’r Cyngor Amaethyddiaeth a Physgodfeydd yn chwarae rhan bwysig yn niwygio'r PAC, ac rwyf wedi gweld prawf fod y safle Cymreig yn cael ystyriaeth deg, fydd yn ei dro yn arwain at drafodaeth a chytundebau fydd yn dod â’r fargen orau bosib i Gymru.  

"Rwy’n bwriadu parhau i siarad dros Gymru a chryfhau'r broses yma wrth i’r diwygiadau fynd rhagddynt."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan