Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (4)
Ychwanegwyd yn ddiweddar (10)
Ym mis Mawrth, cyhoeddodd y Gweinidog y byddai’n mynd ati i roi rhaglen brechu moch daear ar waith o fewn yr Ardal Triniaeth Ddwys fel rhan o’i ymdrechion i ddileu TB mewn gwartheg yng Nghymru.
Yn dilyn tri mis o waith caled y tu ôl i’r llenni a hyfforddi staff i gynnal y rhaglen, dechreuodd y rhaglen frechu’n ffurfiol ddydd Llun 11 Mehefin a bydd yn parhau trwy gydol yr haf a dechrau’r hydref.
Hyd yn hyn, mae X o foch daear wedi cael eu trapio a’u brechu. Dyma’r tro cyntaf i raglen trapio a brechu moch daear mor uchelgeisiol gael ei rhoi ar waith.
Wrth siarad am y rhaglen, dywedodd Gweinidog yr Amgylchedd:
“Mae ein Fframwaith strategol ar gyfer Dileu TB yn cydnabod bod yn rhaid i ni ymdrin â TB Gwartheg o bob math, gan gynnwys bywyd gwyllt os ydym yn mynd i lwyddo i ddileu’r clefyd creulon hwn.
“Penderfynais fynd ymlaen â’r rhaglen frechu ym mis Mawrth ac rwy’n falch iawn ein bod wedi gallu symud y gwaith yn ei flaen mor gyflym a bod y rhaglen frechu wedi dechrau yn yr Ardal Triniaeth Ddwys.
“Mae ein penderfyniad i roi rhaglen frechu ar waith wedi’n galluogi i symud yn ein blaenau’n gyflym ac yn bendant i ddatblygu rhywfaint o imiwnedd i TB o fewn y boblogaeth foch daear. Rydym yn credu y bydd y rhaglen hon yn lleihau’r risg o drosglwyddo TB rhwng gwartheg a moch daear.
“Hoffwn ddiolch i ffermwyr a thirfeddianwyr am weithio gyda ni. Byddwn yn monitro canlyniadau’r rhaglen frechu a’n rhaglen ddileu gyfan yn ofalus er mwyn sicrhau bod y gwaith hwn yn ein symud tuag at wireddu ein prif nod sef rhyddhau Cymru o grafangau TB Gwartheg.”
Mae’r rhan helaeth o’r Ardal Triniaeth Ddwys yng ngogledd Sir Benfro ond mae’n cynnwys rhannau bach o Geredigion a Sir Gaerfyrddin hefyd. Maint yr Ardal Triniaeth Ddwys yw rhyw 288 cilometr sgwâr.
Staff Llywodraeth Cymru sy’n cynnal y rhaglen frechu hon ac maent wedi cwblhau cwrs yr Asiantaeth Ymchwil Bwyd a’r Amgylchedd (FERA) sy’n ymwneud â thrapio moch daear mewn cawell a rhoi pigiad iddynt.
