Cydweithio mewn cyfnod o newid – adduned o gefnogaeth i ffermwyr

Gan siarad yn eu cyfarfod blynyddol trafododd y Dirprwy Weinidog, Alun Davies, bynciau megis diwygio'r PAC a ffurf y Cynllun Datblygu Gwledig newydd.

Dywedodd:

"I adeiladu dyfodol llewyrchus, mae’n rhaid i ffermwyr a Llywodraeth Cymru fod yn arloesol a meddwl ymlaen, bod yn barod i newid a chilio o hen syniadau a hen arferion.

"Mae ffermio yng Nghymru yn mynd i newid dipyn dros y blynyddoedd nesaf. Mae gennym brosiectau pwysig i’w dwyn ymlaen, a rheoliadau newydd a strwythurau y mae’n rhaid i ni weithredu oddi tanynt.

"O ran trafodaethau diwygio'r PAC ym Mrwsel, rwyf wedi ei gwneud yn eglur i’r Comisiwn efallai y byddai’n rhaid i ni weithredu nifer o gyfraddau talu  gwahaniaethol yng Nghymru i gymryd ystyriaeth o’n diwydiant amrywiol, ac rwy’n falch fod y Comisiwn wedi derbyn hynny."

Soniodd y Dirprwy Weinidog hefyd am bwysigrwydd targedu cyllid er mwyn gwneud y mwyaf o gefnogaeth i gymunedau gwledig:

"Does dim modd gorbwysleisio pa mor bwysig yn fy marn i yw symbylu gweithgarwch economaidd, yn y diwydiant ac yn ein cymunedau gwledig. Rwy’n bwriadu edrych â phersbectif newydd ar yr holl ddewisiadau fel y gallwn wneud y mwyaf o effaith ein rownd nesaf o gyllid y Cynllun Datblygu Gwledig o 2014 i 2020."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan