Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (4)
Ychwanegwyd yn ddiweddar (10)
Cyhoeddodd Jane Hutt y bydd fframwaith yn cael ei greu i fynd i'r afael â phob math o droseddau casineb, gan gynnwys aflonyddu ar sail anabledd, yn ogystal ag aflonyddu ar sail hil, crefydd, cyfeiriadedd rhywiol ac yn erbyn pobl drawsrywiol. Bydd ymgynghori cadarn a thystiolaeth glir yn ategu hyn.
Yn gefn i'r dull hwn o weithredu mae cynlluniau realistig y mae modd eu cyflawni yn sgil cydweithrediad agos rhwng Llywodraeth Cymru a'u partneriaid.
Dywedodd y Gweinidog Jane Hutt:
"Mae troseddau casineb yn warthus ac yn annerbyniol. Rwyf wedi ymrwymo i Lywodraeth Cymru'n dangos arweiniad cryf yn y materion hyn.
"Mae'n ddyletswydd ar bawb ohonom i amddiffyn y rhai sy'n fwyaf agored i gael eu haflonyddu mewn cymdeithas, ac i sicrhau bod pobl anabl a'r rhai sy'n dioddef o gyflyrau iechyd hirdymor yn gallu byw eu bywydau heb ofn.
"Credaf fod yna gyfle rhagorol, o dan y dyletswyddau cydraddoldeb penodol newydd yng Nghymru, i gydweithio'n agos â sefydliadau sector cyhoeddus i fynd i'r afael â'r materion penodol hyn ac ymateb iddynt.
"Rwyf am wneud yn si?r ein bod yn byw mewn cymdeithas lle nad yw pobl yn goddef troseddau casineb, fel y gall pobl Cymru deimlo'n rhydd i fyw o fewn cymunedau diogel a bywiog."
Mae mynd i'r afael â throseddau casineb yn un o ymrwymiadau Rhaglen Lywodraethu Llywodraeth Cymru. Cafwyd rhagolwg o'r cynlluniau hyn mewn ymateb i ymchwiliad y Pwyllgor Cymunedau, Cydraddoldeb a Llywodraeth Leol i aflonyddu ar sail anabledd yng Nghymru.
Mae Ms Hutt hefyd wedi pwysleisio ei bod yn ymrwymedig i adeiladu ar ymchwil ddiweddar a wnaed i droseddau casineb, ac yn y dyfodol agos bydd yn comisiynu gwaith a fydd yn edrych yn fanwl ar y rhai sy'n gyfrifol am droseddau casineb a'u cymhellion.
Cynhelir trafodaeth ar adroddiad y Pwyllgor Cymunedau, Cydraddoldebau a Llywodraeth Leol ar Aflonyddu ar sail Anabledd yng Nghymru yng Nghynulliad Cenedlaethol Cymru ar ddydd Mercher 22 Chwefror 2012.
