Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Yn gynharach, roedd Jane Hutt, y Gweinidog dros gydraddoldebau, wedi ymweld ag ysgol gynradd i weld y cynllun ar waith a'r manteision sy'n deillio ohono.
Roedd y Gweinidog yn Ysgol Gynradd Willowbrook yn Llaneirwg lle'r ymunodd â'r disgyblion a oedd yn mwynhau brecwast iach am ddim.
Dywedodd Ms Hutt:
"Roedd yn dda cael brecwast yng nghwmni disgyblion Willowbrook a gweld y gwahaniaeth y mae'r fenter hon yn ei wneud i fywydau plant Cymru a'u teuluoedd.
"Mae pobl yn cydnabod mai brecwast yw pryd pwysica'r diwrnod ac mae'r dystiolaeth yn dangos bod brecwast iach yn gwella iechyd plant a'u gallu i ganolbwyntio, a hefyd yn gwella'u hymddygiad yn yr ysgol.
"Mae'r cynllun hwn yn sicrhau bod plant yn cael mynd i le diogel i gychwyn eu diwrnod. Gall mamau fynd i'r gwaith heb orfod pryderi am ddod o hyd i ofal plant yn gynnar yn y bore na'r costau o dalu amdano."
Cyflwynwyd y fenter Brecwast am Ddim mewn Ysgolion Cynradd yn hydref 2004 ac mae nifer yr ysgolion sy'n cymryd rhan wedi cynyddu'n gyson, gyda 72% o ysgolion cynradd Cymru bellach yn cymryd rhan.
Dywedodd y Gweinidog Cyllid, Jane Hutt:
"Pan gyhoeddais y gyllideb ddrafft yn yr hydref, y bwriad oedd sicrhau bod cymaint o adnoddau â phosibl ar gael ar gyfer y blaenoriaethau sy'n bwysig i bobl Cymru - yr economi, addysg ac iechyd. Mae'r cynllun brecwast yn rhoi hwb i bob un o'r rhain, yn ogystal â helpu i ddatrys problemau cydraddoldeb.
"Mae diogelu buddion cyffredinol, gan gynnwys brecwast am ddim, yn un o brif ymrwymiadau ein Cyllideb. Bydd £10m ychwanegol yn cael ei wario ar y fenter bwysig hon er mwyn gwneud ein cymdeithas yn fwy cyfartal.
"Does dim amheuaeth y bydd menywod yn wynebu her fawr yn y dyfodol. Bydd y penderfyniadau cyllidebol sydd wedi'u gwneud gan Lywodraeth San Steffan, gan gynnwys toriadau i fudd-daliadau a lwfansau, yn effeithio'n uniongyrchol ar fenywod a'u teuluoedd.
"Mae Llywodraeth Cymru eisoes wedi cynnal Asesiad o'r Effaith ar Gydraddoldeb mewn perthynas â'n Cyllideb a bydd pob math o gydraddoldebau, gan gynnwys cydraddoldeb rhywiol, yn parhau'n un o'n prif flaenoriaethau."
