Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
"Mae Coleg Llandrillo yn cyfuno cyrsiau'n llwyddiannus ac yn cynnig dewis ehangach i fyfyrwyr mewn ffordd sy'n esiampl i weddill Cymru ac i'r Deyrnas Unedig (DU) gyfan," meddai Rhodri Morgan, Prif Weinidog Cymru, wrth agor campws newydd y Rhyl heddiw.
"Rwy'n arbennig o falch â'r partneriaethau y mae'r coleg wedi'u datblygu â sefydliadau addysg uwch eraill er mwyn sicrhau parch cydradd ar gyfer cyrsiau academaidd a galwedigaethol. Mae hyn yn rhan bwysig o amcanion Llywodraeth y Cynulliad ar gyfer addysg pobl ifanc rhwng 16-19 oed,” dywedodd. “Mae Llandrillo'n dangos y ffordd ymlaen ar gyfer addysg ôl-16 yn yr ardal."
Mae Coleg Llandrillo, a sefydlwyd ym 1965, yn cael ei gydnabod fel un o'r colegau addysg bellach mwyaf a mwyaf llwyddiannus yn y DU, sy'n cynnig ystod eang o gyrsiau addysg bellach, dysgu seiliedig ar waith a darpariaeth a ariennir gan arian Ewropeaidd.
Mae wedi mynd ati'n weithgar i ddatblygu'r cwricwlwm, cydweithio a meithrin cysylltiadau â diwydiannau lleol, sydd wedi ei alluogi i ymateb yn llwyddiannus i anghenion economaidd-gymdeithasol myfyrwyr, busnesau a chymunedau yn y rhanbarth.
Mae'r gwaith ailddatblygu gwerth £4.8 miliwn ar gampws y Rhyl, gan gynnwys cyfraniad o £2.6 miliwn o Gronfa Buddsoddi Cyfalaf Llywodraeth y Cynulliad, wedi gweddnewid yr adeilad er mwyn darparu cyfleusterau o'r radd flaenaf.
"Mae datblygiad o'r fath yn dangos ymrwymiad y coleg i sicrhau bod myfyrwyr lleol yn gallu manteisio ar yr adnoddau dysgu y maent yn eu haeddu i'r safon orau bosibl. Mae hefyd yn gwireddu gweledigaeth Llywodraeth y Cynulliad ar gyfer addysg, fel y'i disgrifiwyd yn y ddogfen Y Wlad Sy'n Dysgu: Cyflawni'r Addewid," meddai'r Prif Weinidog.
"Yn ogystal, mae’n darparu addysg a hyfforddiant galwedigaethol ehangach er mwyn cynnig mwy o ddewis o ran cwricwlwm i fyfyrwyr ôl-16, a bydd yn sicrhau bod Coleg Llandrillo yn cadw'i enw da fel sefydliad sy'n darparu addysg o safon uchel i bobl o bob oedran.”
Coleg Llandrillo yw'r unig goleg yng Nghymru sydd wedi cael statws Rhwydwaith Rhagoriaeth ar gyfer Arlwyo a Lletygarwch, ac mae'n un o dri yn y DU sydd wedi cael statws Canolfan Ragoriaeth ar gyfer Awtotroneg.
Mae'r coleg yn ddarparwr addysg uwch drwy drefniadau rhyddfraint â Phrifysgol Morgannwg. Mae hefyd wedi sefydlu partneriaethau ag Athrofa Addysg Uwch Gogledd Ddwyrain Cymru, Wrecsam a Phrifysgol Bangor.
Tachwedd 30, 2007
