Prif Weinidog Cymru'n rhoi canolfan gwibgertio yng ngogledd cymru ar y blaen

Cafodd Canolfan Gwibgertio Dan Do Redline yng Nghaernarfon £80,000 gan Lywodraeth y Cynulliad a chafodd ei sefydlu gan dri chyn-weithiwr i gwmni Friction Dynamics, sef ffatri yn y dref a oedd yn gwneud cydrannau ar gyfer moduron.

Mae'r ganolfan yn gyfleuster gwibgertio dan do a fydd ar agor drwy'r flwyddyn, a bydd yn cyfrannu at rwydwaith o atyniadau gydol blwyddyn a fydd yn denu ymwelwyr i'r ardal yn y cyfnodau y tu allan i'r tymhorau gwyliau arferol.

Dywedodd Rhodri Morgan:

Canmolaf fentergarwch perchenogion Canolfan Gwibgertio Redline. Ar ôl bod yn rhan o un o anghydfodau diwydiannol hwyaf Prydain, mae'n dda gweld bod John Davis, Jimmy Clarke a Richard Lawson wedi gallu troi sefyllfa anodd yn rhywbeth positif. Rwy'n falch bod Llywodraeth y Cynulliad wedi gallu helpu'r tîm i sefydlu'r ganolfan, a fydd yn gaffaeliad mawr i ddenu mwy o dwristiaid i'r ardal drwy gydol y flwyddyn. Dymunaf bob llwyddiant i Ganolfan Gwibgertio Redline yn y dyfodol.

Tachwedd  30, 2007

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan