Cyfnod y refferendwm yn dechrau wrth i orchymyn gael ei wneud gan y Frenhines

Cafodd y Gorchymyn ar gyfer y Refferendwm ei wneud gan Ei Mawrhydi yn y Cyfrin Gyngor, gan nodi'n swyddogol ddechrau cyfnod y refferendwm heddiw (16 Rhagfyr).

Fydd Llywodraeth Cynulliad Cymru ddim yn cymryd rhan mewn unrhyw gyhoeddusrwydd newydd ynglŷn â'r refferendwm ar gyfer cyfnod cyfan y refferendwm.  Bydd hyn yn berthnasol o heddiw tan ddyddiad y bleidlais.

Bydd y pleidiau gwleidyddol a sefydliadau ac unigolion eraill yn gosod y dadleuon o blaid ac yn erbyn yr ymgyrch.  

Meddai Prif Weinidog Cymru, Carwyn Jones:

"Mae'r ffaith bod y Frenhines wedi cymeradwyo'r gorchymyn yn y Cyfrin Gyngor yn golygu ein bod ni'n gallu mynd ati heb oedi i baratoi ar gyfer y refferendwm."

Meddai Dirprwy Brif Weinidog Cymru, Ieuan Wyn Jones:

"Rydw i'n falch bod y rhwystr olaf wedi'i goresgyn ac y bydd y bleidlais bwysig yma i’w chynnal ar 3 Mawrth."

Y cwestiwn fydd:
"Ydych chi am i'r Cynulliad allu llunio deddfau ar faterion yn yr 20 o feysydd pwnc y mae ganddo bwerau ar eu cyfer?"

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan