Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (2)
Ychwanegwyd yn ddiweddar (10)
Mae Prif Weinidog Cymru, Carwyn Jones, yn annog pobl i gynnig darllen fel rhodd y Nadolig hwn trwy annog rhieni i ddarllen gyda’u plant.
Ddoe roedd Prif Weinidog Cymru yn ymweld ag Ysgol Gynradd Grangetown yng Nghaerdydd a chafodd gyfle i gwrdd â disgyblion sy’n rhan o gynllun bydi darllen yr ysgol. Mae plant blynyddoedd 5 a 6 yn darllen gyda phlant blynyddoedd 1 i 4 er mwyn datblygu sgiliau darllen y plant a chreu brwdfrydedd am ddarllen o oedran ifanc. Cynhelir y sesiynau cyd-ddarllen trwy’r flwyddyn. Hefyd, mae’r ysgol yn cynnwys y rhieni a’r gofalwyr yn y broses o godi safonau llythrennedd ymysg disgyblion.
Yn ystod ei ymweliad, fe gyflwynodd Prif Weinidog Cymru ddetholiad o lyfrau a chomics i’r ysgol a dywedodd:
“Mae’r Nadolig ar y gorwel ac os ydych chi’n meddwl am syniadau am anrhegion Nadolig, mae llyfrau yn syniad gwerth chweil. Hefyd, mae’n bwysig eich bod yn treulio amser yn darllen gyda’ch plant dros y Nadolig. Nid yw’n costio dim ond mae treulio amser yn darllen gyda’ch plentyn yn amhrisiadwy. Mae treulio deng munud yn darllen gyda phlentyn yn gallu gwneud gwahaniaeth mawr i’w sgiliau darllen. Mae darllen yn hwyl ac nid oes yn rhaid darllen llyfrau yn unig - mae comics, cylchgronau a gwefannau yn wych i ddatblygu sgiliau darllen hefyd.”
Meddai Mandy Paish, Pennaeth Ysgol Gynradd Grangetown:
“Yn Ysgol Gynradd Grangetown, mae darllen yn flaenoriaeth i’r gymuned ysgol. Rydym ni’n gwneud yn siwr fod pob plentyn yn darllen bob dydd. Mae darllen arweiniol grwp gydag athrawon, cynorthwywyr dysgu, gwirfoddolwyr a disgyblion eraill yn digwydd bob bore cyn gynted ag y mae’r plant yn cyrraedd. Mae hyn wedi cael effaith positif ar fwynhad disgyblion a safonau darllen yn ein hysgol.”
Daw neges Prif Weinidog Cymru wrth i Lywodraeth Cynulliad Cymru ddatblygu ei Chynllun Llythrennedd Cenedlaethol pedair blynedd. Mae’r strategaeth yn amlinellu sut yr eir ati i godi safonau llythrennedd yng Nghymru yn y dyfodol.
