Prif Weinidog Cymru yn dangos ei gefnogaeth i Fasnach Deg

Bydd yr arddangosfa i’w gweld yn y Senedd rhwng nawr a Phythefnos Masnach Deg (27 Chwefror – 11 Mawrth).  Mae’r delweddau ysbrydoledig yn dangos pa mor bwysig yw Masnach Deg a’r gwahaniaeth y mae’n gallu ei wneud i fywydau cynhyrchwyr a’u cymunedau.

Cymru yw’r unig Genedl Masnach Deg yn y byd, ac rydym yn falch o gael cyfle i arwain y byd trwy ddangos esiampl.  Mae Awdurdodau Lleol, ysgolion a threfi ledled y wlad wrthi’n ennill statws Masnach Deg, gan ddysgu am bwysigrwydd Masnach Deg a sut mae’n gwneud gwahaniaeth mawr ar draws y byd.

Dywedodd y Prif Weinidog:

"Dw i’n falch iawn o’r ffaith bod Cymru yn parhau i arwain y ffordd yn y modd mae’n cefnogi Masnach Deg.  Hoffwn annog pobl i ddod draw i weld yr arddangosfa a chael eu hysbrydoli, a hefyd i gymryd rhan yn y digwyddiadau a fydd yn cael eu cynnal ledled y wlad yn ystod Pythefnos Masnach Deg".

Gwneud gwahaniaeth

Mae Masnach Deg yn fwy na the, coffi, siocled a bananas.  Gyda thros 4,500 o nwyddau ar gael ar y farchnad, o olew olewydd i nwyddau harddu, o ddillad i aur, mae’n haws nawr nag erioed o’r blaen i ddewis Masnach Deg.

Ym Mali, un o wledydd tlotaf y byd, y ganran o blant sy’n mynd i’r ysgol yw 43% ar gyfartaledd.  Ond 95% yw’r ganran ar gyfer plant cwmnïau cydweithredol Masnach Deg.

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan