TATA i fuddsoddi £800 miliwn yng Nghymru – Carwyn Jones, y Prif Weinidog

Cyfarfu’r Prif Weinidog â Mr B Muthuraman, is-gadeirydd cwmni dur TATA Steel, ym Mumbai yr wythnos diwethaf (ddydd Gwener, 13 Ebrill) fel rhan o daith fasnach i India. Buont yn trafod blaen-strategaeth fuddsoddi’r cwmni ar gyfer Cymru, ac yn ailddatgan y bartneriaeth sy’n mynd rhagddi rhwng Llywodraeth Cymru a TATA.

Wrth ddychwelyd o Mumbai, meddai Carwyn Jones, Prif Weinidog Cymru:

"Roedd yn bleser mawr imi gwrdd â Mr Muthuraman, ac ailddatgan yn bersonol ymrwymiad parhaus Llywodraeth Cymru i’r bartneriaeth gyda TATA Steel.

"Esboniodd Mr Muthuraman wrthyf fod TATA Steel yn bwriadu buddsoddi hyd at £800 miliwn yn eu cyfleusterau yng Nghymru dros y pum mlynedd nesaf. Bydd y buddsoddiad sylweddol hwn yn cael ei ddefnyddio i wella’r gwaith cynhyrchu, cymysgedd y cynnyrch, ac ansawdd ac amrediad y cynnyrch yn eu ffatrïoedd yng Nghymru.

"Talodd Mr Muthuraman deyrnged i safon y gweithlu sydd ar gael yng Nghymru, ac roedd yn cydnabod pwysigrwydd y bartneriaeth barhaus gyda Llywodraeth Cymru o ran creu hyder i wneud penderfyniadau am fuddsoddiadau hirdymor. Nododd hefyd fod Port Talbot yn un o’r safleoedd gorau yng Nghymru i gynhyrchu dur.

"Dyma newyddion rhagorol i’n cymunedau, a phleidlais o ffydd yng Nghymru. Mae gweithlu sydd o’r safon uchaf, cysylltiadau diwydiannol cryf a pherthynas gydgefnogol gyda Llywodraeth Cymru, oll wedi chwarae eu rhan."

Rhannu

Delicious

Digg

reddit

Facebook

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan