Skip to content
Cofrestrwch ar gyfer y canlynol: Cylchlythyr | Newyddion

Prif Weinidog yn talu teyrnged i lowyr Gleision flwyddyn ar ôl y trychineb.

Flwyddyn ar ôl y trychineb, mae’r Prif Weinidog, Carwyn Jones, wedi talu teyrnged i’r dynion fu farw yng Nglofa Gleision (dydd Gwener 14 Medi).
Dydd Iau 13 Medi 2012

Bu farw David Powell, Charles Breslin, Philip Hill a Garry Jenkins yn y pwll yng Nghilybebyll, ger Pontardawe.

Dywedodd y Prif Weinidog:

“Byddaf i’n cofio’r hyn a ddigwyddodd am byth. Gallwn ond dychmygu pa mor echrydus oedd profiad ofnadwy’r teuluoedd wrth aros am newyddion am y dynion fu farw.

“Rhaid oedd iddynt aros am oriau maith cyn clywed y newyddion ofnadwy. Mae’n rhaid bod hynny wedi bod yn erchyll i wragedd, meibion a merched y dynion druan. Anfonaf fy nghydymdeimladau diffuant i’r teuluoedd ar yr adeg anodd hon, flwyddyn yn ddiweddarach.

“Effeithiodd yr hyn a ddigwyddodd yn y Lofa yng Nghilybebyll arnom ni i gyd. Fel y dywedais bryd hynny – roedd yn drychineb i Gymru gyfan. Mae’r diwydiant glo yn rhan o hunaniaeth Cymru, roedd yn rhan hollbwysig o lunio’n gwlad.

“Rhaid i ni gofio’r bywydau sydd wedi’u colli wrth gloddio am lo dros y blynyddoedd. Yn sgil y digwyddiadau erchyll flwyddyn yn ôl, cawsom oll ein hatgoffa o’r peryglon y mae glowyr yn eu hwynebu bob tro y byddan nhw’n mynd i’r pwll ar ddechrau eu diwrnod gwaith.

“Roedd y ffordd y daeth y gymuned ynghyd i gefnogi’r teuluoedd, a charedigrwydd y cymdogion yn ystod yr amser anodd, yn ysbrydoliaeth i ni gyd. Rwyf hefyd yn dymuno talu teyrnged i’r gwasanaethau brys a weithiodd yn ddiflino gan wneud eu gorau glas, mewn amgylchiadau peryglus, i chwilio am y glowyr.

“Rhaid i ni gofio trychineb Gleision a dysgu gwersi er mwyn sicrhau nad yw hyn yn digwydd eto a bod digwyddiadau fel hyn yn perthyn i’r gorffennol.”

 

Rhannu

Delicious
Delicious
Digg
Digg
reddit
reddit
Facebook
Facebook
 
Ynglyn a nodi tudalennau cymdeithasol

Perthnasol

Tagiau

Prif Weinidog Cymru 13 Medi 2012 Yr Amgylchedd Y De-orllewin
 
 

Newyddion yn ôl dyddiad

 
Rhagfyr 2014
Ll M M I G S S
<< Tac    
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        
I'n dilyn ni trowch i