Prif Weinidog yn cynnal trafodaethau gyda Llysgennad Japan

Mae ei Ardderchogrwydd Keiichi Hayashi, Llysgennad Japan, yng Nghaerdydd fel rhan o ymweliad deuddydd â Chymru.

Dywedodd y Prif Weinidog:

"Mae’n bleser gen i groesawu’r Llysgennad i Gymru. Mae’r cysylltiadau busnes a diwylliannol hirfaith a dwfn rhwng Cymru a Japan yn bwysig iawn i Lywodraeth Cymru.

"Mae cymaint o gwmnïau llwyddiannus o Japan wedi’u lleoli yng Nghymru ac fe barhawn i wneud ein gorau glas i’w helpu i dyfu a ffynnu, yn enwedig yn ystod cyfnodau economaidd anodd fel sydd ohoni.

"Dim ond yr wythnos ddiwethaf, agorais safle newydd Toyoda Gosei yn ne Cymru yn swyddogol. Yn y pen draw, bydd y safle’n cyflogi mwy na 500 o bobl ac rwyf yn awyddus i annog mwy o fuddsoddi yng Nghymru gan gwmnïau o Japan."

Bydd Llywodraeth Cymru’n arwain taith fasnach i Japan y mis Tachwedd hwn. Mae Cymru’n gartref i 50 o fusnesau o Japan sy’n cyflogi cyfanswm o tua 8000 o bobl. Ymhlith y rhain mae Toyota, Sony, Panasonic a Calsonic Kansei.

Mae gan Lywodraeth Cymru Swyddfa yn Tokyo sy’n helpu cwmnïau o Gymru sydd am gael mynediad i farchnad Japan neu ehangu eu busnes. Ym mis Mawrth eleni, rhoddwyd cymorth i nifer o gwmnïau bwyd o Gymru a fu’n arddangos eu cynnyrch yn Foodex Tokyo.

Yn ogystal â chysylltiadau economaidd, mae gan y ddwy wlad gysylltiadau cymdeithasol a diwylliannol hefyd. Mae yna Glwb Japan yng Nghymru a Chlwb Hiraeth yn Japan.

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan