Y Prif Weinidog yn croesawu’r Fflam Olympaidd i Gymru

Bydd y fflam yn teithio drwy fwy nag 80 o bentrefi, trefi a dinasoedd yng Nghymru rhwng 25 a 30 Mai. Bydd cannoedd o redwyr yn cludo’r fflam ar hyd y llwybr drwy bob un o’r 22 awdurdod lleol yng Nghymru. Mae pawb fydd yn cludo’r fflam yn bobl ysbrydoledig â hanesion personol anhygoel i’w hadrodd.

Y fflam fydd canolbwynt pedwar digwyddiad dathlu mawr yng Nghaerdydd, Abertawe, Aberystwyth a Bangor.

Fydd y Prif Weinidog yn croesawu’r fflam mewn digwyddiad yn Nhrefynwy.

Dywedodd y Prif Weinidog:

"Mae’n dda cael croesawu’r fflam Olympaidd i Gymru gan fod hwn yn gyfle gwych i bawb sydd wedi’u dewis i gludo’r fflam ddangos i’r byd y pethau sy’n gwneud Cymru’n unigryw.

"O farchogaeth cob Ceredigion a theithio ar gwch camlas Llangollen, i basio eiconau hen a newydd, fel Castell Caerffili a Stadiwm y Mileniwm, bydd hon yn wythnos gyffrous i’r daith a phawb fydd yn rhan ohoni."

Mae nifer sylweddol o wledydd wedi dewis hyfforddi yng Nghymru cyn y Gemau yn Llundain. Mae’r carfanau Paralympaidd sy’n hyfforddi yng Nghymru yn cynnwys Awstralia, Seland Newydd, De Affrica, Mecsico, Tsieina a charfan feicio Paralympaidd UDA.

Dywedodd y Prif Weinidog:

"Mae’r ffaith bod cynifer o wledydd wedi dewis hyfforddi yma yng Nghymru cyn y Gemau yn adlewyrchu gwaith caled Llywodraeth Cymru a’n partneriaid yn y cyfnod cyn Llundain 2012. Mae’n dangos bod gennym y cyfleusterau a’r seilwaith chwaraeon y mae eu hangen ar y timau Olympaidd a Pharalympaidd gorau."

Rhannu

Delicious

Digg

reddit

Facebook

Dolenni

Gwefannau

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan