Prif Weinidog Cymru yn dymuno pob lwc i athletwyr Cymru ar drothwy seremoni agoriadol y Gemau Olympaidd

Mae 30 o athletwyr o Gymru wedi’u dewis ar gyfer Tîm GB, gan gynnwys Dai Greene, Helen Jenkins, Hannah Mills a Tom James.

Bydd y Prif Weinidog yn bresennol yn y seremoni. Dywedodd:

"Rwy’n dymuno pob lwc i bob un o athletwyr Cymru sydd wedi ennill lle yn Nhîm GB. Yn sicr bydd pawb yn falch ohonyn nhw wrth iddynt gynrychioli Cymru a’r DU yn y digwyddiad chwaraeon mwyaf gwych yn y byd.

"Bydd y cystadlu’n ben llanw ar flynyddoedd o waed, chwys a dagrau – a gobeithio’n fawr y byddant yn dod â medalau i Gymru. Roedd nifer y medalau a enillwyd yn Beijing yn eithriadol - byddai llwyddo i wneud cystal â hynny yn anhygoel – a byddai gwneud hyd yn oed yn well na hynny fel breuddwyd."

Ychwanegodd y Gweinidog Chwaraeon Huw Lewis, sydd wedi recordio neges fideo yn dymuno lwc i'r tim:

"Mae'r 30 o gystadleuwyr Cymraeg eisoes wedi gwneud Cymru yn hynod o falch. Rwy'n dymuno pob lwc i bob un ohnony nhw wrth iddynt geisio creu hanes ac rwy'n gobeithio bydd eu campau yn ysbrydoli cenhedlaeth gyfan o bobl i roi cynnig ar chwaraeon eu hunain."

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan