Skip to content
Cofrestrwch ar gyfer y canlynol: Cylchlythyr | Newyddion

Croesawu Timau Paralympaidd o Bum Cyfandir i Gymru

Caiff timau Paralympaidd o bum cyfandir gwahanol sydd wedi dewis cael eu canolfannau hyfforddi yng Nghymru eu croesawu gan y Prif Weinidog, Carwyn Jones, mewn digwyddiad arbennig heno (Nos Iau 16 Awst).
Dydd Mercher 15 Awst 2012

Bydd athletwyr a staff cymorth y timau yn bresennol mewn digwyddiad yn y Senedd ym Mae Caerdydd. Bydd Gemau Paralympaidd Llundain 2012 yn dechrau’n swyddogol ar 29 Awst ac mae llawer o’r timau cenedlaethol wedi dewis lleoliadau yng Nghymru fel eu canolfannau hyfforddi cyn i gyffro’r gemau ddechrau.

Ymhlith y timau sydd wedi’u lleoli yng Nghymru mae Seland Newydd, Awstralia, Mecsico, Tsieina, Tîm Seiclo Prydain, Tîm Seiclo’r Unol Daleithiau, Liberia, India a Phwyllgor Paralympaidd Ynysoedd y De (Oceania).

Dywedodd y Prif Weinidog:

“Mae’r Gemau Paralympaidd yn ddigwyddiad hollol ysbrydoledig. Mae’r cystadleuwyr wedi goresgyn gofidiau mawr i gyrraedd safon uchaf eu campau a chynrychioli eu gwledydd gerbron y byd.

“Mae’n wych o beth ein bod yn gallu croesawu timau cenedlaethol o bob cwr o’r byd yma i Gymru iddyn nhw gael paratoi ar gyfer y gemau. Mae’r timau wedi dewis dod i Gymru gan y gallwn gynnig cyfleusterau chwaraeon o’r radd flaenaf a’r wybodaeth a’r arbenigedd sy’n briodol i athletwyr Paralympaidd o’r safon uchaf.

“Mae presenoldeb y timau hyn hefyd yn gyfle i ni ddatblygu cysylltiadau chwaraeon, addysgol a diwylliannol rhwng ein gwledydd. Pob lwc iddyn nhw i gyd!”

I gael rhagor o wybodaeth, ffoniwch swyddfa’r wasg Llywodraeth Cymru ar 029 2082 1823

 

Rhannu

Delicious
Delicious
Digg
Digg
reddit
reddit
Facebook
Facebook
 
Ynglyn a nodi tudalennau cymdeithasol

Perthnasol

Tagiau

Prif Weinidog Cymru 15 Awst 2012 Yr economi Y Canolbarth Y Gogledd Y De-ddwyrain Y De-orllewin
 
 

Newyddion yn ôl dyddiad

 
Hydref 2014
Ll M M I G S S
<< Med    
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
I'n dilyn ni trowch i