Llywodraeth Cymru | Mynnwch fod yn ffit a gweithgar yn 2008

Hafan > Newyddion > Iechyd a gofal cymdeithasol > 2007 > Mynnwch fod yn ffit a gweithgar yn 2008

Cofrestrwch ar gyfer y canlynol: Cylchlythyr | Newyddion

Mynnwch fod yn ffit a gweithgar yn 2008

Yn sgil gormodedd dathliadau’r Nadolig a’r Flwyddyn Newydd, mae oerfel mis Ionawr yn gwneud i lawer o bobl deimlo’n llai na phositif am gyflwr eu hiechyd a’u ffitrwydd.

Dydd Llun 31 Rhagfyr 2007

Er mai ystrydeb ydyw, mae’r Flwyddyn Newydd yn amser gwych i fynd ati o’r newydd i geisio gwella’ch ffitrwydd a’ch iechyd. Nid yw hynny’n golygu mynd i gampfa na fyddwch o bosibl yn mynd iddi ond unwaith neu ddwywaith. Mae mynd allan am dro am hanner awr, mynd am dro ar y beic am 30 munud neu hyd yn oed gwneud gwaith tŷ yn gallu’ch helpu i deimlo’n well amdanoch chi’ch hun a chyfrannu at y 30 munud o ymarfer dwysedd cymedrol bum gwaith yr wythnos a argymhellir i sicrhau ffordd iach o fyw.

Mae Menter Nofio am Ddim Llywodraeth Cynulliad Cymru, sy’n caniatáu i bobl ifanc 16 oed ac yn iau nofio am ddim yn ystod gwyliau ysgol ac i bobl dros 60 oed nofio am ddim ar hyd y flwyddyn, yn un ffordd yn unig o ailddechrau ymarfer, felly beth am fynd â’r plant i lawr i’r pwll nofio lleol?

31 Rhagfyr 2007