Y Gweinidog i ymweld â safle prosiect adfywio Butetown

Mae’r ganolfan amlbwrpas yn Sgwâr Loudoun, sy’n rhan o brosiect adfywio ehangach, yn ddatblygiad ar y cyd rhwng Bwrdd Iechyd Prifysgol Caerdydd a’r Fro, Cymdeithas Tai Cymunedol Caerdydd a Chyngor Dinas Caerdydd, a fydd yn cynnwys canolfan iechyd, fferyllfa gymunedol, gwasanaethau cymdeithasol a chyfleusterau tai gwarchod.

Bydd Llywodraeth Cynulliad Cymru yn rhoi grant o £6.16 miliwn tuag at ddatblygu’r ganolfan iechyd.

Bydd cleifion yn elwa o well mynediad ac amryfal wasanaethau o dan un to.  Nod y cyfleuster, sydd wedi’i gynllunio’n bwrpasol, yw bodloni anghenion y boblogaeth leol sy’n tyfu, gyda’r gwasanaethau iechyd yn cydweithio mewn partneriaeth â’r gymuned ehangach a phartneriaid y sector cyhoeddus.

Un o nifer o ddatblygiadau sydd ar y gweill yw hwn fel rhan o’r gwelliannau i gyfleusterau gofal iechyd yng Nghymru.  Roedd yn bosibl i bractisau ledled Cymru wneud cais am grantiau gwelliant yn ddiweddar i dalu am waith trwsio neu ehangu.

Meddai Edwina Hart y Gweinidog Iechyd:

“Bydd y rhaglen adfywio hefyd yn ei gwneud yn bosibl i ailddatblygu safle bresennol Canolfan Iechyd Grangetown, i wella’r mynediad i wasanaethau gofal sylfaenol yn yr ardal.

“Bydd Sgwâr Loudoun yn esiampl o weithio lleol, traws-sector, i ddarparu gofal iechyd  yn y gymuned.”

19 Tachwedd 2009

Rhannu

Delicious

Digg

reddit

Facebook

Dolenni

Tagiau

Newyddion yn ôl chwiliad

Newyddion yn ôl pwnc

• Y Gogledd
• Y Canolbarth
• Y De-orllewin
• Y De-ddwyrain
• Cymru Gyfan