Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (6)
Ychwanegwyd yn ddiweddar (10)
Bydd y ganolfan yn dwyn ynghyd ddwy feddygfa sef Meddygfa Bradley, sydd â 4,000 o gleifion a Meddygfa Grosvenor Street, sydd â 3,700. Hefyd bydd gan y ganolfan y capasiti i dderbyn 3,500 yn rhagor o gleifion dros y pum mlynedd nesaf.
Bydd integreiddio'r ddwy feddygfa yn fanteisiol i gleifion, gyda'r ganolfan bwrpasol a hygyrch newydd hon yn cynnig amrywiaeth o wasanaethau o dan yr un to. Bydd lle i ehangu gwasanaethau yno yn y dyfodol.
Ers i'r contract Gwasanaethau Meddygol Cyffredinol ddod i rym ym mis Ebrill 2004, Llywodraeth Cynulliad Cymru sydd wedi bod yn gyfrifol am y cyllid i feddygfeydd sydd o dan y contract ar gyfer codi cyfleusterau newydd, adnewyddu a gwella cyfleusterau presennol neu osod cyfleusterau newydd yn lle hen rai.
Mae'r Byrddau Iechyd Lleol yn cyflwyno bidiau i Lywodraeth y Cynulliad, sy'n defnyddio ei disgresiwn i benderfynu ar lefel y grant fydd yn cael ei ddarparu i feddygfeydd.
Yn ddiweddar, roedd cyfle i feddygfeydd ledled Cymru wneud cais am grantiau gwella er mwyn talu am waith i drwsio neu ehangu cyfleusterau. Mae nifer o geisiadau ar gyfer gwaith gwella wedi eu cymeradwyo yn ddiweddar ar gyfer meddygfeydd yn y Gogledd.
Cyfanswm cost y gwaith hwn yw £248,086, ac mae Llywodraeth y Cynulliad wedi cyfrannu £164,217 tuag at hynny. Mae'r gwaith yn amrywio o drosi ystafelloedd er mwyn rhoi mwy o le i feddygon gwrdd â chleifion, i fân welliannau er mwyn cydymffurfio â Deddf Gwahaniaethu ar sail Anabledd 1995.
Gall gwaith gwella fod o fantais i economi'r ardal hefyd, oherwydd busnesau lleol sy'n debygol o fod yn ymgymryd â'r gwaith.
Meddai'r Gweinidog dros Iechyd, Edwina Hart:
"Rydyn i bob amser yn chwilio am gyfleoedd i foderneiddio gwasanaethau iechyd a lles, ac i ddod â chyfleusterau yn nes at y gymuned leol. Mae datblygu canolfan fel hon yn yr Wyddgrug yn ffactor pwysig wrth sicrhau bod y gwasanaethau hynny yn cael eu darparu'n effeithlon.
"Yn ogystal â chyfleusterau newydd, rhaid cynnal gwaith rheolaidd i wneud yn siŵr bod y cyfleusterau iechyd presennol yn addas i'r diben, yn fodern, yn hygyrch ac yn lân."
24 Tachwedd 2009
