Newyddion trwy RSS
Derbyniwch ein cylchlythyr
Busnes a'r economi
Plant a phobl ifanc
Diwylliant a chwaraeon
Addysg a sgiliau
Yr amgylchedd a chefn gwlad
Cydraddoldeb ac amrywiaeth
Iechyd a gofal cymdeithasol
Tai a chymunedau
Gwella gwasanaethau cyhoeddus
Rhyngwladol
Llywodraeth leol
Pobl hŷn
Cynllunio
Cyfiawnder cymdeithasol
Ystadegau
Datblygu cynaliadwy
Twristiaeth
Trafnidiaeth
Y Gymraeg
Yn dod i ben yn fuan (7)
Ychwanegwyd yn ddiweddar (10)
Yn y seremoni wobrwyo yn Llundain, derbyniodd Melin Homes o Dorfaen wobr am ‘Lwyddiant Neilltuol yn y Maes Tai yng Nghymru’ am ei phrosiect Getting Connected, mewn partneriaeth â Chyngor Sir Torfaen a Llywodraeth Cynulliad Cymru.
Mae un rhan y prosiect yn rhoi offer TG a hyfforddiant sylfaenol i ddefnyddio’r rhyngrwyd, e-byst a phecynnau eraill. Yr ail elfen yw canolfan hyfforddiant TG, fydd yn help i roi sgiliau sylfaenol i bobl leol yn ogystal ag academi dechnoleg, sy’n cynnig hyfforddiant sgiliau proffesiynol ar gyfer yr economiau gwyrdd a digidol. Mae’r prosiect yn cael ei ariannu’n rhannol trwy Raglen Ardal Adfywio Blaenau’r Cymoedd Llywodraeth Cynulliad Cymru.
Cymdeithas Tai Cadwyn yng Nghaerdydd oedd yr enillydd arall o Gymru, y tro hwn yn y categori Darparu Effeithlonrwydd ac Arloesi am eu Hasiantaeth Calon Lettings.
Mae Calon yn asiantaeth osod gymdeithasol lwyddiannus ac arloesol sy’n rheoli llety preifat trwy ddefnyddio gwerthoedd y sector cymdeithasol a rhoi blaenoriaeth i bobl ddigartref a’r rhai sydd mewn hostelau i’r digartref.
Mae’r asiantaeth yn rheoli dros 200 eiddo, ac wedi cartrefu dros 230 o bobl, 80% ohonynt yn ddigartref. Amcangyfrifir bod y cartrefi hyn sy’n cael eu ‘rheoli’n gymdeithasol’ wedi darparu’r hyn sy’n cyfateb ag £20 miliwn o fuddsoddiad grant tai cymdeithasol.
Dywedodd Jocelyn Davies AC, y Dirprwy Weinidog Tai ac Adfywio:
“Dwi’n llongyfarch Melin Homes a Chymdeithas Tai Cadwyn am eu llwyddiant yng Ngwobrau Tai Prydain. Fodd bynnag, llwyddiant gwirioneddol y ddau brosiect yw nifer y bobl sydd wedi’u helpu trwy ddod o hyd i gartref iddyn nhw, neu wella’u bywydau.
“Yn gynharach eleni ês i ymweld â chwpl oedrannus sydd wedi derbyn gliniadur fel rhan o gynllun Getting Connected, ac sy’n dysgu sut i’w ddefnyddio. Maent bellach yn gallu cysylltu â’u teulu, sy’n bwyd gryn bellter i ffwrdd, trwy e-byst, sydd wedi gostwng eu biliau ffôn, ac yn gwneud eu siopa bwyd ar-lein, sy’n help mawr gan ei bod bellach yn anoddach iddyn nhw fynd o gwmpas, a’u bod yn ei chael yn anodd siopa.
“Dwi’n falch iawn bod Llywodraeth y Cynulliad wedi cefnogi’r ddau brosiect hwn. Maent yn enghreifftiau gwych o’r hyn y gellir ei wneud pan fyddwn yn cydweithio dros bobl Cymru.”
